[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياوجد حالي عليك الى بري حالي=من يوم قفيت كن الروح منزعه
انا احسبني على فرقاك بحتالي=لكن عقب غيبتك ماانكفت الدمعه
__________________________________________________ _
للحزن في عيني عناوين وحروف=ونفسي بها من جاير الوقت كيه
أشكي هموم وهجر والام وظروف=وأحتاج فزعات الخوي إلخويه
وإن جيت بشكي ردني داعي الخوف=أفضل الكتمان وانا الضحيه
________________________________________________
كانك تشك أني مع الغير ابرتاح=غلطان يالغالي ولاهو محله
ماقد خبرت أني مع الناس سواح=أقول قول الصدق والشاهد الله
وأحفظ عهود الود والسد ماباح=ومن عزني يبطي وانا مخلص له
________________________________________________
ياللي حرمت القلب مبطي من الصوت=لاتحرمه هالحين رد الرساله
ايام عمري معك لحظات وتفوت=وش تنتظر لاضاع عمري بداله
يعني على شان اسمك على القلب منحوت=معاد تسئل ليه وش (هالنذاله)
__________________________________________________ ___
خانت الايام شخص مايخون=ولاهقيت انه كذا طبع الزمن
كيف ابصبر إني اعيش مغبون=كيف ادافع طالما الحظ اندفن
ذي بدايه والنهايه وش تكون=هو يزول الهم عني ((ماأظن))
_______________________________________________
جار الزمان وضاق صدري من الهم =هم ثقيل جعل ربي يزيله
هم تراكم بالمشاعر وحطم =كل الجسور اللي بعيني جميله
بأسباب خل هزني يوم سلم=باطراف يد الكف وضح دليله
قال الوداع وظرفي اليوم لزم=لزم على الفرقا ولا فيه حيله
___________________________________________
عود علي بدافي الصوت لاأموت =عطني حنان الصوت لو ماتجيني
ياليت ماسمع غير صوتك ولا صوت=صوتك يحرك كل الاحساس فيني
وش ينفعك لاجتك روحي فتابوت=قالو توفي ومطلبه كان صوتك
____________________________________________
توني حسبت حساب بعدك وفرقاك=توني عرفت اني بدونك ولا شي
خليتني مابين طيفك وذكراك =عذبت حالي ليش ماترفق شوي
أرجع ولو تامر على الروح تفداك=ارجع تراني شفت موتي وانا حي
_______________________________________________
أول نهاري دمع عيني قويته=وأخر نهاري دمع عيني قواني
ونا الذي سبع الكوايا كويته=وهو اللذي ستين كيه كواني
ونا الذي سم العقارب سقيته=وهو الذي سم الافاعي سقاني
الله يلعن والدي ان نسيته=والله يلعن والديه إن نساني
_________________________________________
انا غلاي اصلي من الحب مصنوع =ماهو من اسواق المحبين تجميع[/poem]
+++++++++++++++++++++++++++++++++++++++++++
هذي مسجات اهداء لك كل شخص يقراها
واتمنى تعجبكم