السلام عليكم ورحمة الله وبركاته
عندما تسيطر الاحزان على القلب ويحتمل الصدر فوق طاقته
تسقط عبره خانقه من شفاه ذابله
أعذروني لحزني وأرجو ان ترتقي حروفي لذائقتكم
[poem=font="Simplified Arabic,4,white,bold,normal" bkcolor="transparent" bkimage="backgrounds/38.gif" border="none,4,gray" type=1 line=1 align=center use=ex num="0,black"]
لا وهنـي اللـي همومـه قليلـه=ولا مربه حزن الزمـان وعذابـه
قلته وأنا صدري حمولـه ثقيلـه=ولا تاصفه كثر الجْمـل والكتابـه
ياهـم والله مابقـى فيـك حيلـه=يكفي ترى فكري جنونـي سرابـه
ولاعدت أميز بين شمسـه وليلـه=غموض يملكني وأنا فـي غرابـه
وأسري مع الهاجس وروحي عليله=والنوم حتى النوم عينـي تهابـه
وسيرت رجلي بالدروب الطويلـه=عله يموت الجرح ويبرى صوابـه
لا مات جرح وزاد حمـلٍ اشيلـه=ورجعت من دربـي وكلـي كآبـه
وجتني همـومٍ تنتخيبـي دخيلـه=قلت أقبلي حبٍ وعطـف وذرابـه
لا ضاع هم النـاس قلبـي دليلـه=قلبي وأعرفه كاسـر الهـم بابـه
بس أرفقي وانتي بصدري نزيلـه=تـراه ينـزف والمواجـع تشابـه
دام الصبر حـيٍ يراعـي خليلـه=بصبر ولو زادت همومـي عذابـه
وفي قمة أحزانـي ودنيـا بخيلـه=سافرت مع جرحي وهمي زهابـه
هي علتٍ وسط الضلوع النحيلـه=تصرخ تقول اليوم زهـرة شبابـه
وأنا الضحيـه يازمـن زاد ميلـه=جرحٍ ورى جرحٍ ولسعـات نابـه
وأصوات خيلٍ يعتلينـي صهيلـه=جيش الهموم اللي بصدري عثابه
كن الهموم اللـي بقلبـي قبيلـه=أردى رديـه ينتسـب للذيـابـه
أبنسحب والشعـر بخلـي سبيلـه=مل الهموم وجرح قلبـي سطابـه
وكـل القوافـي تنحنيلـي ذليلـه=جتني توجع وارتجـت بنسحابـه
وصلاة ربي عـد ماسـال سيلـه=على نبـيٍ شـرع ربـي مشابـه
((حمدان الشمري)) [/poem]
قبله على جبين كل من مر هنا
رد مع اقتباس
المشاركة الأصلية كتبت بواسطة لولا الحيا
