تصوير باص البنات ( نفق السويدي ) غرقان والبنات متوهقين

**خــــالـــــد** · 20-03-2005, 01:10 AM

[align=center]الغريب

.
.

يعطيك ألف عاافية يالغااالي

مقطع مؤثر ,, والحمد لله إن البناات طلعوا سالمين

وبصرااحة من المؤسف أن يقووم شخص بالتصوووير

أشكرك

أخوكـ / خالد[/align]

**خــــالـــــد** · 20-03-2005, 01:15 AM

[align=center]الغريب

.
.

يعطيك العافية يالغاالي

مقطع مؤثر بالفعل . ولكن المؤسف

أن يقووم شخص بـ تصوير الفتيات ونشرها

الله يهديه بس

مشكوور

أخوكـ / خالد[/align]

**عـادل التميمي** · 20-03-2005, 12:47 PM

هلا أختي بنت أبوها

بيني وبينك ( يعني خلينا واقعيين شوي )

تخيلي قايمة من فجر الله ورايحة بالباص للكلية وفجأة غرق الباص في نفق وتشوفين حولك شباب

أسئلك بالله وش بتسوين بتقولين تعالوا أنقذوني ؟؟

ولو جاك واحد بتخلينة يشيلك !!!

والله صعبة شوي وبيني وبينك لو أنا في موقع الحدث جلست أتفرج

( مالها داعي أطب في الموية وأسوي فيها بأنقذهم وأخر شيء أوصل لوحدة تهزئني وتسفل فيني قدام العالم ) :تصفير::تصفير:

مشكورة يا بنت أبوها وهي وقفت على البنات ؟؟؟

ياما شفنا حوادث وحرائق ولا أحد جاب خبرها خليها على ربك

الغريب

**عـادل التميمي** · 20-03-2005, 12:48 PM

عاشق القمر

شكلك بتوهقنا يا ولد

ياخوي لمّح , سب من بعيد لبعيد لكن كذا عيني عينك مب كأنها قوية شوي ؟؟:بفكر::بفكر:

تحياتي لك

أخوك الغريب

**عـادل التميمي** · 20-03-2005, 12:54 PM

هلا خالد

بيني وبينك أنا معجبني المقطع

لأنه يحتوي على مشكلة ملموسة كذلك لا يحتوي على عورات أو فضيحة لأحد بعينة فالنساء غير معروفات وهن متسترات ولله الحمد

لو كان هذا المقطع من إنتاج طاش ما طاش ألن يكون محل ترحيب من الجميع ؟؟

**روعــة** · 22-03-2005, 01:27 PM

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههه

يشيلك ؟؟!!

ومافيه اي وسيله انقاذ الا بالشيل !!

فيه عده طرق يمسكها مع يدها

يجيب لها كفر << حلوه كفر

يعني اي وسيله موشرط شيل .

على العموم الف شكر لكل من بذل مجهود

**عـادل التميمي** · 23-03-2005, 12:54 PM

هلا أختي بنت أبوها

أجل يمسك يدها عشان يوصلها لرصيف ؟!!

وهي ما تعرف تروح لحالها هاه

على العموم ما ضيعكم غير الشناط إلي مليانة مناديل وباغات ( أكياس فاضية ) إلي تكبرون فيها شناطكم

بس بيني وبينك

أذكر إنك بغيتي تصيحين وألحين جاية تنكتين ؟

ههههههههههههههههههههههههه هههههههههههههههههههههههه

ما أقول غير

الله لا يبلانا ويحفظنا من كل مكروة

تحياتي لك وأحترامي

أخوك الغريب

**روعــة** · 24-03-2005, 02:55 AM

من الشيل قمت اضحك .

وش مناديله واي اكياس ؟

**المغربل** · 02-04-2005, 09:21 PM

[align=center]يالرجل لو كانت أختك معهم راح تصور ؟؟؟؟؟
ما أحد يبي الفضيحه لأهله وراجع نفسك ولاتزعل تراي
ناصح [/align]

**أمل عبدالعزيز** · 02-04-2005, 09:59 PM

.
.
.
سبحان الله

بدل ماينقذونهم يصورونهم!!!

دنيا مقلوبة بالفعل

والعالم تغير

يارب عفوك بس

**عـادل التميمي** · 02-04-2005, 11:36 PM

هلا أخوي المغربل

خلك واقعي

والله لو أختي معهم والله ما راح أقدر أميزها وصدقني لو اللقطة هذي فيها فضيحة لوحدة معالمها واضحة صدقني ما نزلتة

والستر مطلوب وأنا أخوك

لكن إذا أخذت الموضوع من جهة ثانية وهي الستر على المسؤولين عن تصريف السيول

وقتها بأقولك وبكل صراحة من أجد أنا فضحتهم

تحياتي لك وحياك معنا في غرابيل

أخوك الغريب

**عـادل التميمي** · 02-04-2005, 11:50 PM

هلا أختي الرهيبة

بيني وبينك ترى بعض الشباب ما ودك يقرب جنب حرمة حتى لو كانت متوهقة ومحتاجة مساعدة

فـ زين إنهم صوروا من بعيد فقط

إلا على فكرة ودي أعرف ليه تلومين الشباب إلي من جنبها والدفاع المدني باسطين على الدكة قدام الوايتات ويتقهوون

وبعدين لو عرف السبب بطل العجب

هل سنشاهد مثل هذة الأحداث في المواسم القادمة ؟؟

ما نقول غير الله يستر

**المغربل** · 04-04-2005, 06:14 PM

[align=center]السلام عليكم ورحمه الله وبركاته
اما ماذكرته اخي الغريب فلم اقصد به سوى تنبيهك الا انا داري اخي الغريب
ان فيك الخير لكن لوراجعت سياقك
ل(مسمى المقطع وش رايك فيه أنتظر ردك)
اخوك المغربل[/align]

**عـادل التميمي** · 04-04-2005, 11:47 PM

هلا أخوي المغربل

طيب مسمى المقطع نفصلة حبة حبة

( تصوير باص البنات ) ( نفق السويدي ) غرقان ( والبنات متوهقين )

المقطع عبارة عن ملف مصور عبر الجوال

باص البنات لأنه ينقل الطالبات

نفق السويدي = موقع الحادثة

غرقان والضمير يعود للباص

والبنات متوهقين وهذة هي حال من كان في الباص

لأنه كم سمعت بأن سائق الباص نزل وترك الباص بمن فيه يغرق

إذاً أعود وأسئلك أخي الفاضل ماذا رأيت في هذا الموضوع لم آراة ؟؟

لعلي أستفيد

وصدقني أنا لم أقصد الإساءة للبنات ( الذين هم في الأصل ضحية )

تحياتي لك وإحترامي أخي الفاضل

أخوك الغريب

**أبو ر111شد** · 06-04-2005, 01:37 PM

الله يستر اشوا اني اعرف اسبح ولا كان رحت فيها :نأ:

الموضوع: تصوير باص البنات ( نفق السويدي ) غرقان والبنات متوهقين

أدوات الموضوع

بحث في الموضوع

تقييم هذا الموضوع

معلومات الموضوع

الأعضاء الذين يشاهدون هذا الموضوع

المواضيع المتشابهه

[لعبة أون لاين] : أجمل ألعاب تلبيس البنات والبنات العاب اون لاين 2012

اللاعب الخفي غرقان بسيول جدة والاتي غرقان في الدرة

الكلمات الدلالية لهذا الموضوع

ضوابط المشاركة