[align=center]
جئت أشكركم هنا مثلما سأشكركم هناك
على حفاوة الترحيب ..
شكري لكم هنا سيكون بمخاطبة وجدانكم
بهذه المنفعلة بالحوار والحقيقة :[/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,7,white" type=2 line=0 align=center use=ex num="0,black"]
قال : الأيام عدله ، قلت : الأيام عوج = قال : في حال ، قلت : بكل حالاتها
دام باب الدخول بجنب باب الخروج = وين مبدا العداله وين لذاتها ؟!
خذ صحيح الكلام وخلّ عنك الهروج = مادخلت القلوب وشفت علاّتها
كل من شفت حولك لو تعلاّ البروج = خايف ٍ من عنا الدنيا ولوعاتها
لو تمتّع بماله وامتلاك الفجوج = مايخفف عناه بكثر سجّاتها
يدري انه مسافر ، كل ماراح فوج = من حبايب ذكر نفسه وميقاتها
انكسر عنه موج وغاب في حضن موج = واعذابه من الرحله وغاياتها
جات دون اختيار وقام معها يدوج = رحلة ٍ ماعشقها حب في ذاتها
صاحبي خلّ عمري للسؤال اللجوج = وأنت خلّك مع أيامك وضحكاتها !![/poem]
[align=center]تحاياااااي لكم ،،،[/align]