بسم الله الرحمن الرحيم .
السلام عليكم ورحمة الله وبركاته .
أسعد الله أوقاتكم بكل خير .
في البدايه .. يشرفني أن أنضم لهذا المنتدى الرائع .. وأتمنى ان لا أكون ضيفاً ثقيلاً على الجميع ..
أحب أن اصافحكم اليوم .. بقصيده ليست بتلك الجديده ....
ولكن كلي أمل .. أن تحوز على شيء من رضاكم واستحسانكم ...
أترككم من " خاب ظني "
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الحبيب اللي تركني وابتعد بالحيل عني =
ما هقيته يبتعد رغم كثر الاتصال
من عرفته كن قلبي قال احبه واعذرنّي =
يالعذارى لو عشقته كثر حبات الرمال
كنت معجب في صفاته والعيون اللي ذبحنّي =
استضاف القلب بنتٍ تأسر قلوب الرجال
لو أقول اني احبه أشهد أنه خاب ظـنّـي =
استحلّ القلب كله , من جنوب ومن شمال !
سامح الله رمش عينك والخدود اللي قتلنّي =
والله اني ما بقى بي , شي يقوى الاحتمال
أفتخر لا قالوا اسمك , ويبتسم بالحيل سنّي =
في وصوفك يالحيبه , انتهى كل الجدال !!
أسهر بليلي أهوجس واعزف ألحاني وأغنّـي =
وأذكرك في كل حزه وارخي للمزيون بال !!
اذكرك وأنتي بعيده , والمواجع سامرنّي =
ارفقي بي واذكريني واربطي حبل الوصال
يالحبيبه طال بعدك , ارجعي يكفي تجنّي =
كفايه تحرقين القلب , كفايه غربة الترحال
ورجعت هاك الحبيبه , وطعنت قلبي مع اني =
كنت صادق في شعوري , وقالت اللي ما يقال !
قالت ابعد لا تحاول بالترجي والتمنّي =
قالت ابعد وابتعد , واترك هبال العيال !!
ليه قلتي هالكلام ؟ وش بِدر يا بنت منّي =
ما قوت اذني تصدق , وقالت انك في خيال !
قالت اني ما عشقتك , ثم إنّي , ثم إنّي =
قلت يكفي هالتعذر , روحي يا بنت الحلال
ماني من هاك الرجال لافترقنا قال كنّي =
صخرةٍ تاهت وضاعت .. بين أكوام الجبال !
اسمحيلي ما قدرتي تقهري قلبي لأني =
لي كرامه ولي عزه .. اعتلت هام الهلال !!
روحي يا بنت بطريقك , ياللي حبك في تدنّي =
وان عشقتي شخص مثلي , صدقيني ذا محال ![/poem]
وسلامـــ ت ــــكم ...
صالــح