[poem=font="Arial,5,blue,bold,normal" bkcolor="transparent" bkimage="images/toolbox/backgrounds/13.gif" border="double,7,blue" type=1 line=1 align=center use=ex num="0,black"]
أرجوك مافيه داعي لاتذكرني=عش واقعك والزمان اللي مضى خله
إن كان مازلت يامسكين فاكرني=أنا سليت ونسيت اللي مضى كله
دار الزمان مثل ماغيرك غيرني=وأقسمت ما أكرر الغلطه معك ( لله)
ولى زمن فيه تنهاني وتأمرني=أمشي على ماتبي وأدمح لك الزله
حب ٍ عمى قادني لك لين دمرني=أعيش بأوهام وأثري خافي العله
ماطعت فيك النصوح اللي محذرني=أدوس درب المخاطر ما أعرف الذله
في زينك ولو منطوقك مخدرني=وأثرك طماع كنك هاتف العمله
واليوم ترسل مراسيلك تدورني=لاتحسب إن الغلا باقي على حله
تراي ماني مثل ما أنته بخابرني=بدّلت حاضر بلامنه بلابالله
أبشر بالإحباط مني طان تنطرني=خلك مع اللي يجي من يوم تشرله
وإن كان ماأنته عقب هذا بعاذرني=سو اللي أنته تبي وإستفزع الشله[/poem]
أبوسبّيل
رد مع اقتباس
