معاناتي مع رجال الهيئة !!!

[سعود]

سلااااااااااااااااام


اسعد الله صباحكم وظهيرتكم ومساءكم بكل خير


اليوم جبتك لكم موضوع شي


بقولكم نبذة مختصرة عن ذكرياتي وآمال واحلامي ومصادماتي مع رجال الدين


( كلنا انشاء الله رجال دين ) وكلنا واحد <<<== البنك الاهلي


ولانكم ايها الغربليون وقتكم ثمين سوف اختصر الموضوع قدر الامكان

واذكر الموضوع في سطور ...


- في الاول من ايلول الاسود قبل خمس سنوات تقريباً .... تحدث مطاردة ماراثونيه مثيرة بين رجال الهيئة واحد الشباب ( من اصدقائي طبعاً ) .. بعد افتضاح امره واكتشاف الهيئة له وهو متلبس بالجرم المشهود ( الترقيم ) ... فاطلق الشاب ساقيه للرياح العاتية القادمة من الشمال <<== وصف شاعري

انتهت هذي المطاردة بفشل ذريع لرجال الهيئة وافلت الشاب من قبضتهم وهو يسابق الريح ....كنا نطلق عليه اسم ( السلقة ) لما يتمتع به من سرعة زائدة ...

وكان رجال الهيئة يجرون اذيال الهزيمة وهم يحملون ورقة صغيرة للشاب مكتوب عليها ( المعذب ..رقم الجوال ...) وهم يقولون عذبك الله في جهنم <<== والله من القهر لانهم ماصادوه


- في الثاني من حزيران دخلت السوق مع الاهل واقترب مني احد رجال الهيئة وقال (( انتبه لنفسك )) <<== اموت واعرف وش يقصد


- في الخامس من يوليو تموز تدخل السوق بنت صاروخ ارض - جو عابر للقارات ...بنت .. لا راحت بنت ولاجت بنت .. تقط الطير من السما ... ماقول عنها الا (( ماشاءالله ...تبارك الله ...احسن الخالقين )) بنت آيه في الجمال ..الله يخليها لاهلها

والمصيبة ان وراها جيش من الشباب السعودي كلهم حقون غزل ...

المهم لاني اتمتع بالثقل ..والرزانه ...و ... <<== الاخيرة مشفرة

<<== بسم الله بص


ولاني اعرف التحدث بلغة العيون عرفت من عيونها انها تبي رقمي ...واول ماعطيتها الرقم ... الا رجال الهيئة معي :( :(


- في التاسع من اغسطس آب قامت احدى البنات بترقيمي وتم القبض علي وتركوا البنت <<== لاحظو هي المرقمه ... بعدها حقدت من جد على رجال الهيئة


- بعد هذي الحادثة بشهر واثناء نزولي من السيارة للدخول السوق ... اقترب مني احد رجال الهيئة وقال بالحرف الواحد (( اقسم بالله لو اللتفت يمنه او يسره لارميك في الجمس وانساك ) <<= هكذا قالها

طبعاً انا انفجرت غضباً

وقلت له ( اقسم بالله لو ابي ارقم بنات لارقم وانت واقف هنا زي اللوح ) <<== بس انا قلت ذا الكلام ... بعدها قامت الدنيا ولم تجلس دئلت

ولا طلعت من قسم الهيئة الا بواسطات وحب خشوم


- بصراحة الاحداث كثيرة والمصادمات اكثر ...ولسان حالنا يقول (( انا بعناد ...وهم بجهاد ...والمشكلة مايعرفون غلاهم )) وربي اني احب رجال الهيئة واغليهم مهما صار بينا ... بس لو يحذفون من قاموسهم (( خذوه فغلوه )) << عانى منهم الامرين دئلت


- مع مطلع هذا العام الجديد تم ترويض سعود دئلت فاصبح اول مايدخل السوق يبحث عن رجال الهيئة ويعطيهم بطاقته ورسم كروكي للمواقع التي سوف يزوها ومدة الزيارة


- يوم الخميس الماضي رحت لاحد اسواق الرياض وبحثت عن رجال الهيئة فلم اجدهم فرجعت للبيت على وجه السرعة بدون مادخل السوق :واء:


تحية عطرة

[لي طب۶ي الخاآاآص]

ولانكم ايها الغربليون وقتكم ثمين سوف اختصر الموضوع قدر الامكان

[align=center]اي اختصار سعوود وانت حذفت الموضوع بضغطة زر هههههههههههههههههههههههه ورجعت تكتبه ثاني[/align]



[align=center]سعوود تبي الحل مع رجال الهيئة ارسم قلب على ثوبك واكتب فيه الهيئة في قلوبنا [/align]

[سعود]

وسن اسكتي


انتي اشغلتيني ماسنجر لين تسببتي في حذف موضوعي

ورحت اعيد كتابته

روحي ياشيخه

منك

لله

ربنا على الظالم


المهم


بصراحة انا ناوي

اقيم مع رجال الهيئة حوار حضارات

<<== مين يؤيد

تحية عطرة

[$ ابن العز $]

[align=center]ههههههههههههههههههههههههه هههههههههه



فيه هيئه سلام عليكم


مالي ومال الحاجات هذي



<<<<<<<<عاقل لاتدخلوني في السياسه خخخخخخخخخ[/align]

[الوزير]

ولاني اعرف التحدث بلغة العيون عرفت من عيونها انها تبي رقمي ...واول ماعطيتها الرقم ... الا رجال الهيئة معي

ههههههههههههههههههههههههه ههههههههههههههههههههههه

شكلك غشيم سعودي (بفح السين وشده على الواو) في الغزل :هاها:

حسن اخلاقك معي واعطيك افضل ما توصل اليه العلم الحديث في الغزل

تحياتي

[الأميرة الناعمة]

ههههههههههههههههههههههههه ههههههههههههههههههههههه

اجل انتبه على نفسك

شكله ناوي يخطفك و قال مسيكين خليني انبهه يمكن انه فاهي :نيني:

سعود

كم مرة قلت لك لا ترقم

و لا تناظر

ياخي انك كلك قمر و عيونك تطيح الطير من السماء

بس لو انك تعقل

سعود

وش رايك بس

احبك و اروضك

و اخليك تبطل صياعة

و اخلي الهيئه ما عاد تفكر فيك

على فكرة

لما تشوف الهيئه

سلم لي عليهم

و قول لهم

تقول لكم حساسة

لا عاد تقربون لي

لانها ما ترضى علي

و صدقني على طوووووووووووووووووووووووو ووووووووووول

بيقولون لك ابشر

بس بعد ما تزورنا :نيني:

:ندو:

[أمل عبدالعزيز]

0
0
0
سعود

الله يهديك بس

وش دخلك في رجال الهيئة!!!

هاه


ياخي بصراحة ذكرياتك

ذكرتني بذكرى أيلول الأسود

تعرفها!!!!


هي نفسها

بس الفرق هنا بسيط

أنك ممسوك وأنت

ترقم

وهذوليك ممسوكين وهم يحاربون بس


هذا الفرق

المهم

سعود

تكفى يالغة العيون

قم بس قم

والله ألى يسمعك يصدقك

تصدق ماموتني ضحك غير كفشة وسن لك

الله يرجها يناس

مهيب صاحية

وأنت منزل مووضوع متعوب عليه بقووة بعد:هاها:

أقول


شلونقم بس؟

[سعود]

ابن العز


خخخخخخخخخخخخخخ


انت بعد مثل ابو جاسم تركت السياسة ورحت للصور والالعاب

وش فيها السياسة


اصلن ملح الحياة هي السياسة والسياسيون


مشكور على مرورك الكريم

تحية عطرة

[سعود]

الوزير

شكلك غشيم سعودي (بفح السين وشده على الواو) في الغزل

شي ينشاف اوله ينعاف تاليه


خخخخخخخخخخخخخخخخخ


قال ايه


قال فح

ياشيخ روح الله يفحه في وششششك

حسن اخلاقك معي واعطيك افضل ما توصل اليه العلم الحديث في الغزل

ماعندي نية احسن اخلاقي معك


وابشرك انا بطلت الغزل وقلبتها صداقه مع رجال الهيئة

مشكور ياسعادة الوزير على مرورك الفخم


تحية عطرة

[طـــــارق]

والله انا ياسعود من رأي الوزير ..



ياخي خله يفح ..


الرجال ناوي يسوي خير ويفح ...


انت حسّن اخلاقك وهو ماقصّر بيفح ..


انا مدري ليه انت رافض انه يفح ..


بس أهم شي يفح بعيد ..



اخاف الهيئه يشوفونه يفح ..



ثم ماتطلع انت وياه الا زي ماقلت بحب خشوم ..



انا فيه واحد من أصدقائي كان يفح له واحد من اصدقاه هو ..



والحين الحمد لله ...يفحفح في الحاره ..


اذا مالك خلق على فحفحة الوزير ..


أكلمه لك ..

وبدون تحسّن أخلاقك معه ..

ولايهمك ياسعود ...انت غالي علينا ..




نحن في خدمتكم ...


ورضائكم هو غايتنا ..

[ضـــــاري]

من كثر فحفحتكم دخلت بشوف مصايب سعود

سعود اقول

ماشفت مكتوب داخل جمس الهيئه

علي المراتب ذكرا ضاري

بس تبي الحل

شوف وسن وش قالت


سعوود تبي الحل مع رجال الهيئة ارسم قلب على ثوبك واكتب فيه الهيئة في قلوبنا


هههههههههههههههههههه

[ابو جاسم]

هههههههههه

سعود مشاكل


الاستاذ سعود

استاذ العيون



من الافضل مثل ما قالت وسن



تعمل اول شي عند دخولك اي مكان وانت تعتقد بوجود رجال الهيئة



تعمل كرت خاص بك وتسجل فية الاستاذ سعود


وتحط رقم الموبايل


وبريدكم الاكتروني

ومعلومات طفيفة عنك


انت شخص خطير

من المفروض
ان رجال الهيئة يشغلوك معهم لانك خبرة


في مثل هذة الامور
وتقوم بتوزيعة

[طـــــارق]

كاتب الرساله الاصليه ابو جاسم
ومعلومات طفيفة عنك

وربي ودي أضحك على كلمة طفيفه ..



بس انا مشغول الحين ..




احجز مكان للضحكه ..


وبعدين اذا فضيت بجي اضحك هنا..










ابو جاسم وربي انك رهيب..:اموه:

[مهاجرة بإحساس]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههاااااااااااااي

وقلت له ( اقسم بالله لو ابي ارقم بنات لارقم وانت واقف هنا زي اللوح ) <<== بس انا قلت ذا الكلام ... بعدها قامت الدنيا ولم تجلس


ههههههههههههههههههههههههه ههههههههههههههههههههههههه ههههههههههههههههههههههههه ههههههههااااااي
انشهد انك منتهي:هاها:

وربي مييييييييييته ضحك الله يااخذك ويااخذ ابو جاسم ومغربل معك :خجل:
ههههههههههههههههههههههههه هه
اما موضوع صراحه تحفه..
من جد تعـــــاني .. (( ياربي شكثر اعاني :خجل: ))

اما بالنسبه للموضوع حقك يااخي بالله..
جبتها على الجرح .. وكأنك تقرى افكــــــاري..

من يوم الجمعه وانا السؤال يقرقع بقلبي ..
وماادري وين اسدح السؤال فيه ..
قلت احطه بالعام ..
قلت احطه بالاستقبال..
قلت احطه بالغربله..

مالقيت مكاااان..
بيني وبينك .. خايفه من الطنايز الله لايبلانا :واء:

المهم سؤالي.. يااخي العزيز..

لماذا رجال الهيئه لايلبسون عقال؟؟ <<<<<< :خجل: يمديكم على صيغة السؤال..

لاحظت منذو مبطي ان رجال الهيئه لايستعملون العقال ..
العقال= هو كفر سيكل صغير يوضع فوق الشماغ :خجل:

ماادري يعني حاطينه بالقسم عشان لما يمسكون واحد يروحون بوه هناك ويجلدونه والا ليييييييييييييييييييييييي يييييييييش :افكر:

يعطييييييييييييك العافيه سعووووووووووود على الموزوع العســــــل..

هجــــــــــوره :خجل:

[ملك الحرمان]

- في التاسع من اغسطس آب قامت احدى البنات بترقيمي وتم القبض علي وتركوا البنت <<== لاحظو هي المرقمه ... بعدها حقدت من جد على رجال الهيئة

ههههههههههههههههههههههههه ههههههههههههههههههههههههه هه
مسكيييييييييين

هي اللي ترقم ويمسكونك انت

الصراحة انا متعاطف معك في حادثة التاسع من اغسطس اب