اخواني اخواتي .. مساكم الله بالخيــر
وصلني نسخــه من هالرسالـــه على الايميـــل من / سعودي غيور وهو وجهها الى فخــامة الرئيس إميل لحـــود ,, نســـأل الله أن ينفع به ,, نترككم مع الرساله !!
=*=*=*=*=
إلـى فـخـامة الرئيس : إيـمـيـل بـن لـحـود
صبـاح الخـيـر فخـامة الرئيس .. أنا مواطن سـعـودي مـخـلص للبـنـان.. أبـعـث هذه الـبـرقية إلى سـعـادة فخـامتكم المـصـون .. و أتـمـنى مـنـكم قرائتها بـتـمعـن و تفـهـم وجهـة نظري التي تـخـدم شعب لبـنـان المخلص .. الموحد بجميع أطـيـافه من مسلمين و مسيحيين ودروز وكل اللي عندكم ....
يا بو لحود ... ترى الشعب السعودي يعيش حالة من الغضب... بسبب ماحصل قبل أسبوعين عندكم .... بعد ما كان الشعب السعودي مضبط عمره في الصيف عندكم .. الحين كل واحد خايف ... اللي صار عندكم خرب خطط كل طبقات الشعب السعودي... خرب خطط الشيبان يروحون بذا الجبل يشمون الهوى ... خرب خطط العوائل تروح هناك و أنواع الرحلات بين الجبال و خرب خطط المتزوجين جدد يروحون يهناك يتعشون لهم بكم مطعم مع دق طبول و رومانسية ... و خرب خطط الدشير إللي يروحون يبون يرقمون وتعرف عندنا نسبة ضئيلة جدا جدا من الشباب ( إمحق ضئيلة ) اللي يحبون شغلات النص كم ...
يا بو لحود ... إنت و الأخ كرامي رئيس الوزراء ... لازم تشوفون لكم حل ... داخلين على الله ثم عليكم ... لا تخربون سفراتنا في الصيف ... ترى حنا نجمع بذا الراتب ... وحاجزين من شهرين التذكرة و الفنادق ومزبنين أعمارنا ..
إللي يبي يودي زوجته أسبوعين أبها و بعدين يبي يرجعها و يهج لكم .. و إللي مصرف أهله و قال لهم رايح حائل و مغطها لبيروت .... وإللي و إللي ... دبر عمرك ياخوي .... شف لك حل مع السوريين .... لف عليهم و إلا إلعب الأكة وقدم الخسارة ... ( هذي حق مطفوقين البلوت ).... ترى جنبلاط قاعد لكم قعدة... و بصراحة معه حق ياخوي ... السوريين جايبين فيكم العيد .... محكمين على ولد الديمن و عندهم أربع إكك!!.... (هذي بعد لنفس الربع )....
في آخر هذه الرسالة يابو لحود .. أتمنى منك إيجاد حلول سريعة ... و ياليت ترسل لي الرد بأسرع وقت .. علشان أضبط الحجوزات .. أبتل على لبنان ... و إلا أدور لي ديرة ثانية و الله يعين ... ترى والله ديرتكم ديرة الحي يحييك .... و ماودنا بغيرها .. بس تكفون نبي نروح و نضمن أرواحنا .. ما تسوى علي أتفجر وأنا بحفلة أبونورة ... و إلا يتفجرون ربعنا في قهاوي السوليدير و تضيع مشاريعهم إللي في البلوتوث...
عموما الوضع كتير مو عاجبني .. وشف لك حل !!
اخوكم / سعــودي غيــور دئلت
========================
وللجميع تحيـــاتي
رد مع اقتباس
