ارسلي واحد من الربع البيتين الاولى وهى للشاعر حمود البغيلي
لموقف مشابه وبعدين
طرت وجرت هالابيات المتواضعه واتمنى ان تنال اعجاابكم
[poem=font="Simplified Arabic,5,black,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
(يابدر كان اشقتك من خزرة العين = وشلون انا اللى قد لعبت بشعرها
وضميتها في شوق بين الذراعين = ولاعبت عقد ٍ هايمٍ ٍ في نحرها)
واخذت مايفرح فؤاد المحبين = برضا حياة الروح محد ٍ جبرها
وقالت تحدي بس ابي منك بيتين = يوصف محاسن روعتى واختصرها
قلت ابشرى في بيت ماهوب بيتين=يالحضة ٍ طول السنين انتظرها
ياجامعه للعطف واللطف والزين = كل البنات نجوم وأنتى قمرها
ثمن تذوب وترسل الهمس حرفين = ثم عاد دورنى وانا اقطف ثمرها
ترى طراة العمر روض البساتين = وظل الغصون اللى محد قد هصرها
واليوم وين ضعون خلى وانا وين = ابا ارجى الله للذنوب يغفرها
اقفا نصيبه والردى سكته شين = بموت رجلى مامشت مع جررها
بدعيله التوفيق شيخ المحبين = ويسلم من صدوف السنين وقشرها
هاذا وماليبه عهد تم عامين = الا مسا البارح بعد بان اثرها
هى من سحرك حجاجها يوم الاثنين = وانا معك فالسوق حكمة قدرها
تشري من الصايغ من اغلى المثامين = عرفتها من يوم لدت بصرها
لون البناجر مختلط بالذراعين = ماينعرف لون الذهب من نحرها
والله منسا العين هى والحجاجين = ولا سكبت البرقع ليامن حكرها
منساه لو ياخذ له شهور وسنين = اربع سنينٍ من حياتى عمرها
الله واكبر منك يانازح البين = ياما مواليف ٍ رموسك قهرها
وتراى يوم اقول اركد وبعدين = اعلمك وش حد فينا نظرها
بشرحلك القصه بالابيات ياشين = حتى ينومسنى قصيدٍ ذكرها
لاتندفع وتضيق وتطيش في حين = اعرف وش الموضوع لجل تعذرها
هاذا وتمسي يازبون المخلين = راضي ونفسك مايطوطش كدرها[/poem]