[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ويلاه من صدر ٍ غدا فيه لجه = لجة خفوق ٍ مثل لجلاج حجّاج
وارتج راسي بعده 2000 رجه = من عقب ماني للمخاليق رجّاج
واحتارت ارجولي بدرب ٍ أسجه = وانا عزومي للطواريق سجّاج
قلت أتوجه .. مدري وين أتوجه = قمت افتل الشارب واعقد له حجّاج
ماني نبي (ن) لي رساله وحجه !! = همه يقدي كل فاسق ودجّاج
وماني عراقي جا يدور مهجه = خايف تجي بغداد في يد حجّاج
مابي مكان ٍ وراد ٍ فيه ضجه = ومابي رفيق ٍ بالمشاريه لجّاج
ودى بفضا فاضي ولا فيه صجه = ولابه ردي ٍ للعذاريب مجّاج
واشوف للبل في ضحى اليوم عجه = وغليم ٍ ضاري على طرد هجّاج
يطرب خفوقي لا ضرب كل فجه = وتشوف عيني للفضا فلة أحجّاج
هذا هوى بالي وهذا مهجه = وفي غيرها والله ماني بسجّاج[/poem]
ابو مشعل
والله تعجز الكلمات عن وصف هذه الرائعه بصراحه
قصيده لم يسبق لها مثيل ولم اسمع بعذوبتها ابدا
ولكن ,,,
أعتبر نفسي أني من أسعد الناس لاني سمعتها قبلهم كلهم
وكنت ارددها دايما في صدري
ماقصرت وبيّض الله وجهك يالذيب
معاني قويه
وشموخ مايناسب الا فالح الشلوي
احسن ولله دررك يالغالي
أخوك