[align=center][poet font="Tahoma,18,deeppink,bold,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
نـــــوف ؟
.
من يلوم الشمس لامـالـت شمال = لاأسـتـدارت راجـعـه يـم المغـيب
.
من يجأوبني على رد السؤال = من يفهمني هالاحساس الغريب
.
جادلً أبعد من حدود الخيال = والله أن أسهل وصايفها صعيب
.
كنها بدر الدجا شبه المحال = مايشاركها الغلا غير النصيب
.
كنها بيدا حلا عين الغـزال = وأصغر حروف الشعر فيها يشيب
.
يوم طلت شمس صبحً لايزال = يسأل أطراف الحيا عـنها ويجيب
.
وكل مايسأل بها نظرة جمال = الجمال بنظرة أعـيونه يطـيـب
.
جيت أبوصفها وهي بنت الحلال = فوق كل وصفً يقربها لـرْيب
.
أعـتـدال الـزين فيها كالـزلال = وحـبها فـيـض الحـنين المستجـيب
.
القصايد الجميلات الجـــّـزال = ماتـطـول أوصاف نـوف المسـتريب
.
كامله بالزين لله الكمال = والشموخ اللي بها وصفه عجيب
.
كم تمنى وصلها بنت الرجال = ولا يجـيـب الطـيـبه ياكـود طـيـب
[/poet]
[poet font="Simplified Arabic,18,purple,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أنتي بعيني سيدة كل هالجيل = ياعـزوتي ياراس مال الكرامه
وبحـق مـن نــّـزل تـبارك والانجـيـل = أنـك بقـلبي لـيـن يـوم القـيامه
[/poet]
[poet font="MS Sans Serif,4,white,normal,normal" bkcolor="transparent" bkimage="http://www.arabsgate.com/poems/bgrounds/bg60.jpg" border="double,10,white" type=2 line=200% align=center use=ex length=0 char="" num="0,black" filter=""]
ماهـو غـريب
.
مابيك تربحني وأنا مأبي أخسرك = مابيك تذكرني وأنا مأبي أنساك
مابيك تجرحني وأنا مأبي أكسرك = مابيك تسمعني وأنا مأبي أقراك
مابيك تعتقني وأنا مأبي أنحرك = وأنت الضحيه وأنا باقي ضحاياك
ماني على طولك ولاني على أقصرك = أدناي أبعد بالمسافه من أقصاك
من قبل أضمك بالحشا هـم وأذكرك = حزن وتـوّقـد بين الاضلاع طرياك
دوّر نصيبك يمكن الحظ ينصرك = على صديقٍ صار واحد من أعــداك
ماهـو غـريب أن التناقض من أصِغرك = لكن غريب أني صراعات .. لرضاك
مابين أجـيـلـك منتظـر لحـظة الـِترك = شتان مـدري من يسوي سؤاياك
لو تجرح اللي تستمدة مـشاعـرك = وأحـساسة الصادق ضحية نـؤايـاك
لابد مايـومً به الـوقـت يخـبـرك = أن المواقف ترجمت فعل يمناك
وأن الذي ( ينذرك ماكان يعـذرك ) = مـدام لي خطوة طويلة على أخطاك
أيام كان لموقف الضيق ذاخرك = جبر الخواطر كسرها عـنـد شـرواك
ومابيك تربحني وأنا مأبي أخسرك = مابيك تذكرني وأنا ودي أنساك
0
( منصور الرويلي )
[/poet]
[/align]