[align=center]أعضاء هذا الموقع الشامخ
أهديكم هذه المتواضعه
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
دخلت كار الحب بعبّرعن احساس مْخزون=ولاخطر في بالي الدعوى مْلازَمها تعب
احسب هوى العشاق للعشاق أطياب ودخون=ون العلاقه مابها هجر وسهر.. غيره .. عتب
واللي جبرني .. فجّر الطاقات بي .. ام العيون=اللي تْعجز تنجب شبهّا كل نسوان العرب
كل شي فيها يحب مافيها ويعشقه بجنون=تخيّل ان الجفن مستذبح على ضم الهدب
أسرفت في وصلي لها ولـــ فوق ماتتخيّلون=حتى اصبحت الأوقات عندي اثنين ( خرده ) أو ذهب
عقارب الأول بدون الترف ماتلقى زبون=والثاني يدوّر معاها للخلاص أدنى سبب
استغفر الله وادمحوا التشبيه لو شابه مجون= صار الحبيب (اللات والعزى) وانا ابولهب !
أقصد غلا .. مـــ قصد(ربوبيّه) فلاتستعجلون=أنا مثلكم خايف ( الجبّار) يخسف بي غضب
جديد في القرطاس لاخبره ولاهم يحزنون=عندي الهوى في كل حالاته حلو .. حلو العنب
صدّرت له حبّ وغلا .. لكنْه صدّرلي طعون=خاين .. وليته قبل لايبدى (خيانتْه) .. انسحب
على الأقل أطلع ولارابح ولاخاسر .. تهون !=مهب على ( خفّي حُنين ) تاكلني ألسنْة العرب
تركت أنا فوضى الهوى .. قررت أعوّد للسكون =حبيب .. لكن ذيب .. من برّا لــ برّا وبأدب
أعيش حالي حال أغلب ربعنا اللي يعشقون=أشواقهم كنها (تكاسي) لابغوا تحت الطلب
نِظْهر تفاني عنتره .. نلبس مثل قيس الجنون=واخلاصنا تتكسر أركانه على صوت الكعب[/poem]
.
فهد بن عبدان
[/align]