بعد الاعتذار عن الغياب عن قسم الشعر
وبدون مقدمات
إليكم المتواضعة :
[frame="7 80"][poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الموعد اللي انتظرته منك " تسع إلا ربع " = في ليلةٍ كنت انتظر اسهر دقايقها معك
كنت اتلهف للقاء ,, بهديك من قلبي نبع = واسقي عروقك يا الغلا , واطرب لصوتك واسمعك
وأقول لك يا غايتي : " حبك على قلبي طبع " = واضيع ما بين " اصبعك " و " الخاتم اللي في اصبعك "
واقبلك " قبلة غلا " , ما اوصل بها " حدّ الشبع " = لاني أنا " جملة جياع " إليا رحلتي تتبعك
وابوصل " أطراف الرضا " لو ردّني عنها سبع = ابقنعه بأني أنا من " عام الأول " مقنعك
وقبعك اللي زينك " ما عاد به لحيّة قبع " !! =من وين ما لدّ نظرك يلقى بقلبي موقعك
يدينا مع بعضها متشابكة " حسبة ربع " = إن جيت أنا بودعك عيّت يديني تودعك
هذاك " حلمي " اللي حلمت إنه لزومٍ يتـّـبع =وشوقي اللي حدني هو نفسه اللي يدفعك
لكنّ يوم إن اقبلت " عقارب الساعة سبع " =دريت بأني ضايعٍ في حلم يقدر يجمعك
" الدين " يمنعنا اللقاء , و " العرف " و " سلوم الطبع " =واللي منعني من اللقاء بالضبط هو اللي منعك
والحين دقت ساعتي " تسع وربع إلا ربع " = من " ربع ساعة " فاتني موعد تمنيته معك !! [/poem][/frame]