هذي أحد مشاركاتي القليلة في مطبخ عجووووبة ....
إخواني وأخواتي المشافيح :) .... اليوم أقدم لكم طبق اسمه (( النواشف )) ..
لا يغركم الاسم .. تراه لذيذ وبتاكلون براطمكم وراه ....
يحتاج للتركيز ... والتركيز مهم في هذه المقادير ....
======================
المقادير
عدد 1 علبة تونة
عدد 1 عسل (( العلالي ويكون كأس علشان يستخدم لشرب الحليب فيه بعد أن ينتهي العسل منه ))
عدد 2 قشطة (( قيمر عند الكويتين ... كشطة عند بزرانا :) )) ..
عدد 2 كيس خبز مفرود (( وإذا كنتم كثير يستحسن أربع أكياس حسب الرغبة )) ..
عدد 1 جبن كيري (( وينصح بالابتعاد عن جبن بوك )) ..
عدد 1 بيك باوندر
عدد 3 حبات قريب فروت
عدد 2 مفتاح علب (( بتقولون ليه اثنين .. علشان ما يصير زحمة وهوشة على من يفتح العلب ))
عدد 1 سفرة (( في لغة سماط ))
=================
طريقة التحضير
حط السفرة (( السماط )) بطريقة أنيقة .. وهي أن تحذفه في الهواء وتخليه ينزل بهدوء على الأرض ...
أمسك مفتاح العلب بيدك اليمين وعلبة التونة باليسار .. وحاول تثني كتفك اليسار وأنت تفتح العلبة .. علشان ما يطير المفتاح من يدك :)
ثم ضع التونة في طبق ليس صغيرا ولا كبيرا يفضل المتوسط ...
وانتبه لا تحط التونة كلها في الطبق .. خل شوي في العلبة علشان يبقى لك شئ تأكله اليوم الثاني :) <<< بخيل
القشطة ... تقدر تفتحها بالطريقة المعروفة .. وهي أنت تمسكها بأصبعك الخنصر وتضغط عليها بالبنصر .. ولا تفتح العلبتين .. خلص الأولى بعدين افتح الثانية ..
العسل .. يفضل أن يكون في صحن لحاله ... وإذا ما عندك صحون كثيرة حطه مع القشطة في صحن واحد ..
طبعاً وأنت تحط العسل في الصحن .. لابد أن تضعه بالتدريج ...وراقب نزوله في الصحن ... يمكن تلزق فيه ذبانة ولا نملة :)
ونجي لجبن كيري ... عط كل واحد جبنة وأكد عليه إن لو يموت ما خذا غيرها ..
علشان كل واحد ينتبه لجبنته ...
وزع الخبز المفرود بالتساوي على الجميع .. لا تصير مثل بعض الناس يحط عنده خبزتين وعند البزران نص خبزة ههههههههههه
وبالهناء والشفاء
========================
ملاحظة ..
أكيد بتقولون ... وين راح (( البيك باوندر )) ... والثلاث حبات (( القريب فروت )) .. هذا طول الله أعماركم ... مدري عنها بس أقراها دايم في المقادير .. قلت في نفسي (( النواشف )) مهيب أقل منهم ..
تحياتي للجميع
أخوكم / سهم المنايا