[poem=font="Simplified Arabic,6,white,normal,normal" bkcolor="black" bkimage="" border="groove,6,gray" type=2 line=1 align=center use=ex num="0,black"]
أسعد الله أوقاتكم بكل خير
,,,
,,
,
بدعت لك بالحان شعري طواريق= وغنيت لك من زود شوقي على الذوق
حطيت صدره فالبدايه على (( ايق )) = والعجز حطيته لعينك على (( اوق ))
يانور عيني ياجلايه من الضيق = ياغايتي يامنبع الحب والشوق
ياقلب ماجد يرتجف فالمعاليق = يادمّي اللي يجري اليوم بعروق
يا أمنيه في خاطري دون تحقيق = ياحرفي اللي لاتذكرتك يتوق
ياراسيٍ في وسط قلبي كما طويق = سقت المشاعر كلها لأجلكم سوق
وثّقت حبك داخل القلب توثيق = متعلييٍ عندي على كل مخلوق
قلبي من أسبابك غدا فيه تشقيق = تلعب بقلبي لعبة البنت والطوق
مدري متى يازين تهتم وتفيق = ياكيف جاك النوم والقلب مسروق
متى تبل عروق وصلي عن الريق = خلك معاي وكل مطرود ملحوق
مدري متى بآكحّل العين وتليق = وأشوف هاك الوجه والجيد منتوق
الله يكافينا شرور المخاليق = والله يحل الظرف دايم من العوق
وأعرف ترا لو مالقيتك ابا اضيق = وأصيح بين الناس والثوب مشقوق
,
,,
,,,
ماجد بن حباب[/poem]