[align=center][align=right]
[align=center]
تجديد تواصل مع أغلا ألأحبة[/align][/align][/align]
[poem=font="Arial,4,deeppink,bold,normal" bkcolor="transparent" bkimage="backgrounds/22.gif" border="inset,9,white" type=2 line=1 align=center use=ex num="0,black"]
بعد غيبه طويله ننفرد صدفه بلاميعاد=مدام إن المواعيد أصبحت قول ٍ بلامعنى
بفضل الله ثم بتلبيتنا دعوة الأجواد= يجينا رزقنا المقسوم لوطرنا ووقعنا
أدور لي معازيب ٍ ورحت لبيتهم نشاد=جزى الله خير قلة عرفنا به يوم ضيعنا
لمح لي خشف ريم ٍ صد كن مداهمه صياد=ولاوالله توقعنا ليالينا تجمعنا
نسينا كل ماجاء بين هاليوم وهكالمقعاد=شريط الذاكره لأغلا ليال العمر رجعنا
تقابلنا وكل ٍ مع خياله ضارب ٍ له واد=وبعد فقنا من الصدمه حكت عنا مدامعنا
علامك مرتبش مطرود وإلا ياسعد طراد=علامك مرخي ٍ رأسك للأرض ولا تطالعنا
أنا في واقعي وإلا مع حلومي على المعتاد=أنا وإياك ثالثنا القمر والليل رابعنا !!
كلام الليل همس الله يجيرك لومة الحساد=من أول بيت بالحاره إلى أخر مابشارعنا
لك الله لايضيع الليل نور الصبح بالمرصاد=وحنا بين سين وجيم ماطابت مواجعنا
تريث تونا بدري عميلك عامله بأقصاد=طبيعتك العجاله والتريث من طبايعنا
مثل ماكنت لك منقاد ذا الليله معك منقاد=ولكن كن كريم وبالنهايه لاتوضعنا
سحابة صيف تروينا بلامصدار لاميراد=قنوعين ٍ من الأحباب وأطرف شيء يقنعنا[/poem]
[align=center]
أبوسبيل[/align]