صباح الهيل والنعناع
يالون الزعفران اللي سكن فيني.. ياريح الهيل
,,,,,,,,,,,,,,,,,,,,,, ياطعْم السُكّرَه..ياصوت..ماداعب لي اسماعي!
يامحمود السجايا..يابَطَل مسراي.. ليلَك ليل
,,,,,,,,,,,,,,,,,,,,,, سريت إبـ خافقي..واقفيت بي كلّي وانا واعي
أنا! جيت إلْك كلّي مندفع يافاتني بالحيييل
,,,,,,,,,,,,,,,,,,,,,, إخذني لاعدمتك..ياااامبعثر خامد اوجاعي
فزع لك نبض قلبي..(كنّه التسبيح والتهليل)
,,,,,,,,,,,,,,,,,,,,,, وكنّه قال ميَدك!.. سَمّ..لك بالقلب مرباعي
يقول:إقلط هنا لالا هنا لالا هنا..وتسيل
,,,,,,,,,,,,,,,,,,,,,,شرايين الغلا.. من شوقها..(وتطق الاصباعي)
تضخّ وتحتفل لهفه..ويكثر رقصها..وتميل
,,,,,,,,,,,,,,,,,,,,,, لعينك..كلّ شريانٍ بشوقه! جاك فَزّاااعي
ومن صادق شعوري.. صغت لك شعري ياريح الهيل
,,,,,,,,,,,,,,,,,,,,,, يااااريح الهيَل والنَعناع.. ياهيَلي ونَعناعي
على فكره... نسيت آقول لك شَغله! (احبك حييييل)
,,,,,,,,,,,,,,,,,,,,, وَيااااليتك إذا تسمح! تشنِّف لهفة اسماعي
وسلامة الجميع