[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
عشق ليل
جاوبيني في سؤالي قبل تنـــوين الرحيل=واسمعيني في كلامي قبل ربــــط الأحزمــة
صدقيني لك خليلٍ ما مشى مثلــه خليــل=وصدقيني لي عيونٍ في عيونــــك مغرمــة
صدقيني لك حبيبٍ وسط ســـــاحاتك قتيـل=وصدقيني لو قتلتي ما أعدك مجرمــــة!!
صدقيني لك محبة وإن حسبتيـــها قليــل=لو جهلتي مابقلبي بس ربي يعــلمــــه
صدقيني ما جذبني رمشك الضافي الكحيــل=بس سرٍ في عيونك صـــعب غيــــري يفهمه
صدقيني لو سكنتي وسط خفّـــاق البخيــل=صدقيني لو عدوّه لاجل عينـــك يكرمــــه!
صدقيني فيه غيرك حاز لـــه شي جميـــل=بس أنتي من جمالك نلتي كل الأوسمـــــه
لك شموخٍ وسط قلبي مثل هامات النخيـــل=غصب عني أحشمه دام لاجلــك أحشمـــــه
ارتبطت بليل عشقك لين صرتي عشق ليـــل=أنتي ماتدرين إنك للقصـــايد ملهمـــــــــــة!
كم تخطيت بدروبك كل شيٍ مستحيــــــــل=-لو يحطون الحواجـز بتــــــــــخطى الانظمـــة
جيت أطفي لوعتي بك واثرك أشعلتي الفتيل=الغلا في قلب عاشق كيف يقدر يكتمـــــه ؟!
دام وصلك للحبايب مثل نسمـات العليــل=ليه شخصٍ من وصالك ياعيوني تحرمـــــــه؟؟
ليه أشوفـك كـل دربي وانت عن دربي تميل=ليه طاحت من رصيد الحب عندك أسهمــــه؟
ليه ودك تتركيني ؟ ليه تنوين الرحيـل ؟=أسئلة دارت بذهني والإجابة مبهمـــــــــة!!!
[/poet]