شكلي تعلقت بالطبخ :D
واليوم الطبخة اللي بحضرها لكم .... سهلة ... لذيذة .... امممممممممم بس
وهي ساندويتش (( سعود ))
=====================
المقادير ..
خبز صامولي
جبن كأس بوك
بيض
ملعقة
شطة (( حسب الرغبة ))
صحن
مقلاة
فرن
سكين
زيت عافية وإذا ما لقيت مازولا يفي بالغرض ..
قراطيس (( علشان نحط الساندويتش فيها :D ))
====================
طريقة التحضير ...
أقطع كيس الخبز الصامولي بضروسك ... وبعدين طلع خبزة وحدة وشقها بالسكين .. وافتح الجبن وحطه بالملعقة في الخبزة (( طبعاً رايح جاي بالملعقة على الخبزة )) ..
وأثناء ذلك أشعل الفرن ... وأسكب الزيت في المقلاة .. (( يكفي إنك تسكب شوي ما تسوي فيها كريم .. ترى الدعوى بيض مو بعير ;) )) ..
ثم ضع البيض بعد أن تفقشه على طرف المقلاة .. (( بيضة وحدة كفاية لا تخلص طبق البيض )) ...
وبعد ذلك أغسل الملعقة .. وارجع شل البيض من المقلاة وضعه في الساندويتش على الجبن .. وضع الشطة فيها إن رغبت في حرق براطمك
ثم لفها بالقرطاسة .. وقدمها لمن تحب << صارت وردة مو ساندويتش
وصحتين على قلوبكم ..
============================
لماذاااااااا سميت بهذا الاسم (( سعود )) ........ يعني ليه ما سموها ساندويتش
(( فدغوش )) مثلاً ؟!!!!
<< الله يرجني يا ثقل طينتي |3|
أنا أقولكم سالفتها ...
كان واحد اسمه سعود ... يمر على البوفية ... ويقول عطني ساندويتش جبن وبيض .... وكل يوم على هالحالة ... يمر البوفية ويطلب نفس الطلب (( ساندويتش جبن وبيض )) ... وكان معه في إحدى المرات واحد من أصدقائه ... وطلب نفس الطلب ...
المهم في يوم من الأيام راح صديق سعود لنفس البوفية ... وما كان معه سعود ..
ويبي يطلب ساندويتش الجبن والبيض .. (( طبعاً هو كان يأكلها مع سعود بس ما يعرف وش وسطها )) .. فقال لصاحب البوفيه .. عطني ساندويتش سعود (( يعني مثل اللي يطلبها سعود بالعادة ));)
وفي نفس اللحظة كان فيه شباب واقفين عند البوفيه .. وسمعوا الطلب الغريب .. قالوا خلنا نجرب ساندويتش سعود هذي ... يمكن تصير حلوة .. وبالفعل طلبوها ... وأعجبتهم ... وصاروا كل مرة يجون يقولون عطنا ساندويتش سعود ..
وانتشرت التسمية ... حتى وصلت إلى اعضاء منتديات غرابيل عاشق ..
وعلى فكرة سعود هذا واحد اعرفه ... وفاشل .. ولا فلح إلا في الساندويتش هذي ... لا ومن زين وجهه يقول (( سجلوها لي براءة اختراع ))
واعذروني على الإطالة ...
تحياتي للجميع
سهم المنايا (( صديق سعود :) )) <<< يااا هوووووه يا صديقه