[align=center]سلاااااام
مساء التخييم والتطعيس
مساء التوناسه والتخميس..
شخباركم ..؟؟
شخبار الجو عندكم..؟؟
ابوووك ياطلعات البر والونااسه
طبعاً التماسيح والا السحالي مسيكينات محدن يطلعهن..
انطقن بالبيت والا التماسيح سلمي عليهم بهالعطله..
يخيمون بالبر ويستانسون واذا تكرموا مره ورحمونا وضفوناللبر عقدونا بعيشتنا تغطي الله ياخذ وجهتس لاتبعدين لا أكسر رجلينتس مابقا الا يربطوننا والاخلاق زفت تقل مذبوحن له أحد..
يحومون اتسبدنا ويرجعوننا للبيت وبما اننا نحن السحليات مضطهدات <<<<ياصعبه بعد
قررنا أن نشجب ونستنكر هذا العدوان من قبل التماسيح وفي المغرب يوم الاربعاء الموافق
666/17/1243568 <<<<<انتهي أنا على التواريخ
وفي منزل خوالي الكائن بحي <<<<<ووووين مروحه البنت تحسبه عرس خخخخخ
وبالدور الثاني تحديداً بغرفة خالتي ومقر الشلة عقدنا اجتماع السحالي بحضور راس الشلة و"خراب السفينة"
لازقه بعلك
حصلت على هذا اللقب باجماع خوالي وخالاتي باجتماع مجلس العائلة قبل سنتين
ونائبة الرئيسة
سوير العربجية :قوي:
هذي بنت وهي هاجده تطق لحليمة باصبع بس تربيته تربية تماسيح "ماعنده خوات" أخت رجال عشان تسذا حطيته ذراعي الايمن
وباقي الشله:
نوير السنافيه
هذي ناشبتن بالمطبخ 24 ساعه تطبخ وتنفخ وتشيل وتحط بالبزران
المثل الاعلى عند خالاتي شوفو نوير ماشاء الله عليه ذاك اليوم دخل ابوه وقال معي رجال ضبطوا العشا
زتقوم تذبح هاك الذبيحه وتطبخ هاك المفطح سنعة ماشاء الله عليه <<<مشكلة الامهات اذا بدو ينصبون ومالقوا احد يوقفهم عند حدهم
عاد كلش كوووم و فطوم الملقوفه كوم ثاني
مافيه شارده أو وارده <<<يمديكم على شارده ووارده خخخخخ
بالبيت الا تعرفه كل شي تعرفه و24 ساعه هذره ولو تسكت ثانيه اغمى عليه
ودايم تكفخ مهوب منه من لسانه اللي ينقط عسل
طلعت جوال وأول فاتوره صكت ثلاثة الآف مسح به ابوه الارض وقال خلاص مابوه جوالات مير يجيه حاله نفسيه رجع له الجوال بس حده الائتماني 3000 خخخخخخخخخاااي
بعذره ماتنعطى وجه..
عاد تجي الطامة الكبرى
مهاوي الدلوعة :احم:
ياربيييييييييييييييه تفقع مرارتي ذا البنت ماتحرك الا وشنتتها معاها ولازم يكون معاها الميك اب والموبايل ماتتحرك بدونهم
ويالله تحرك تقل تمشي على بيض
ولونقول مها صاحت الدمعه عند الباب دئلت
وكل شي عنده يااااااااااااااي ..قرررررف ..
يععععععععع انتم كذرين مرررره
و منير الدلخه <<<<مهيب أختي خخخخ
هذي بنت خالتي بس أنا لاحظت ان اي وحده في عايلتنا يسمونه منير تصير دلخه وبعد مابحثت لقيتهم يسمون منير على جدة أمي <<<يابعده بعد
واللي سمعته عن جدة أمي "منير"
انه دلختن تمشي عشان تسذا الدلاخه متفشية بعايلتنا <<<<ياروحي يامتفشية
عاد نجي لآخر عضوه :
لولوة المعقده
باختصار البنت نفسيات
نظارته بآخر خشمه وتناظر من فوق انظاره وأكبر دافورة شفته بحياتي تاكل الكتب أكل
ايام الامتحانات تقاطع العالم والشعر يدهن وحالته حاله
و24 ساعه نقرا يعني ترفع الضغط واذا ححتست حامت تسبدي كل هرجه نيوتن ومدري وش اسمه الثاني
الي يشوفه يقول بتخترع يعني الزبده مسويه ثقل وفاهمه ودايما تعارض مخططاتنا
هذي نبذة عن شلتنا الموقرة
وباجتماعنا يوم الاربعاء قررنا اننا نسوي مظاهره عشان يطلعوننا للبر
عاد لازم نشوف الاجواء حولنا لازم نشوف جو التماسيح بالملحق عاد هذي مهمة فطوم الملقوفه
اما نوير السنافيه تروح تشوف جو الحرم بماانه سنعه وتعرف سواليفهم
ومهاوي الدلوعه من سمعت طاري البر وهي تسااارخ لأه لأه لأه مانبغى نروح للبر
قررررف مو حلووو
مير تعطيه سوير ذيك النظره وتهجد <<<<ياناس تعجبني هابنت قايلتن لكم أخت رجال
ومنير كالعده تدربي الدمجه ولاتدري وين ربي حاطه ان مشينا مشت واذا وقفنا صبخت وطاحت خخخخخخخخخخخ
والمعقده لولوبدت تسوي محاضره لمها تقول انتِ مستسلمه لسوير لازم تتخلصين من الخوف اللي في داخلبك
ومادرت الا الحبيبة سوير ملحقته اقرب كعب مير تنلطس
ومادرينا الا فطيم جايتن تسابق الريح هي وعصاقيله تقل أحدن راطقه
وتصرخ بنااااااااااااااااااااااا ااااااااااااااات
يتببببببببببببببببببع[/align]