[align=center]
عيدكم مبارك مقدماً
وكل عام وأنتم بخير
جديد للتواصل مع هذا الصرح الشامخ
[frame="7 80"][poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
"
راحت ليالي بيننا سرمديّه=تقسى علي وأقسى عليك 00 وتليني
كل يوم ولك في تالي الليل جيّه=مثل القمر لا غاب باكر يجيني
الحلم حلم وقصته واقعيّه=تذكّر اللي فات ذيك السنيني
ليتك تجي وتشوف وش لك 00 وليّه=يمكن يعاتبك الوله والحنيني
مابه لزوم أنك تغلاّ عليّه=وش داعي أنك ترتكب ذنب فيني
لا يا شبيه الريم مدري سميّه=لا تترك الدمعه بعين الحزيني
في وجنتك شفت السمار وخويّه=ومن نظرتك كل الخواطر تزيني
جمرة غضى بشفاك والموت حيّه=والخال 00 في يسراك منها يميني
والموت كله بين هذي وذيّه=والله يرحم من رحم والديني
تعال قلّي وش تبي من هديّه ؟=والله لقلّدْك النجوم بيديني
كان الخطيّه منك 00 تحسب خطيّه=يا كثر ما خليّت من هو يبيني
أبنتظر منك الوعد 00 فالضحيّه=كانك على ما قلت ودّك 00 تجيني
"
[/poem][/frame]
أخوكم 000 فيصل بن راجس[/align]