[align=center]السلام عليكم ورحمة الله وبركاته
عوده لقلوبكم البيضاء بهذا النص آملاً أن يجد شيئا من القبول لديكم ..
ولكم المحبة والتقدير..
بسم الله أقول..[/align]
[rams]http://www.n4f.net/p7r-vb/83yon.ram[/rams]
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
على الدمعه ثمان عيون كذابه بكتني زيف = بكتني عذر أو هو غدر أو هي مبطنه نيّه
ونا ياكيف بدمحها وبنسا غدرها يا كيف = وهي جتني توقّظ نار تحت الضلع مطفيّه
ركام أحزانها بصدري ثلاث سنين ماقد شيف = وطيت لجرحها فيني وقلت اعلاجه الكيّه
أدقّ أعناق ذكراها ليا منها طرت بالسيف = وأقطّع كل عرقٍ خالها في جال عصريّه
قلعت من الوجيه عيون خوف اشوفها في طيف = يمر بنظرة أصحابي أسا مما سطا بيّه
نزعت شراع مركبها وسيرته بلا تجديف = رجا في عاتي الامواج يغرق ذكرها فيّه
ونا مالي حمول الأرض لجل اطلب لها تخفيف = أنا كل الحمول اللي معي جرحي وشبريّه
أبقطع راس هالحيه بهالحزه بلا تسويف = لما التسويف دام انه أمامي راس هالحيّه
خطاك السوّ ياقلبي عسا أحزانك سحابه صيف = عساها يوم وتعدي ولاتنعاد هالجيّه
متى كان الغدر كذبة غياب العقل والتخريف = متى كان العذر لعبه تهادي في يد ابنيّه
متى كان الغرام حطام مبني فوق سفح مخيف = سكن به قصر ساكن به ثلاث الاف جنيّه
تهذري باسم عاشقها بزله مالها تصريف = تقول فلان وانا فلان واسمه ماقرب ليّه
تقول أيووه ما اقصد لساني زلّ مدري كيف = وقول أيووه يازينه كشف لي حال مخفيّه
اذا هي خابت ظنونك وجيتيني بْهقاوي ضيف = تهقوى في كرم حاتم وحاتم مات في طيّه
ونا باموت في غيّي واموت اغنى عن التعريف = وبقريك السلام وكلمتينن من قوافيّه
كتبتك ماني بْمجبر على قافي ولا تكليف = كتبتك بس اذكّر فيك بعض أشياء منسيّه
كتبتك شعر لاهو فخر أو حتى بعد توصيف = كتبتك ذلّ بعيونك وهي ترجي مواطيّه
كتبتك بايعك مالي بعرفك عزٍّ وْ تشريف = كتبتك رافعٍ راسي ولااْْنظر عند رجليّه
كتبتك صدق ياكذبك صراحه دونما تحريف = كتبتك أسودٍ حالك ذبح أحلام ورديّه
كتبتك لنّ أشعاري لها عندي مزاج وكيف = تغلغل في عروق الدم تشفيلي بلاويّه
ونا ياكيف بدمحها وبنسا غدرها ياكيف ؟ = وهي جتني توقّظ نار تحت الضلع مطفيّه
على عينك ثمان دموع كذابه تبي تجفيف = وسقْت اللي يطفي دمعتك ويبرد الكيّه[/poem]
[align=center]وسلامتكم..[/align]