السلام عليكم ورحمة الله وبركاته
أخواني الحلوين الحبوبين
تعالوا عندي لكم سالوفه تقرقع بقلبي صار لها كم يوم بس كنت خايفه اقولها يزعلون مني حبايب قلبي الغرابيليون
لكن اليوم من اللي شفته في المنتدى وبتأثير من السهر المتواصل قررت اني اخربهاااااااااا
واقولكم على سالوفتي
صدقوني دااااااااااااايخه حديييييييييي فيني النوم حاولت انام ماقدرت ورجعت لكم
<<<<< كنك طولتيهاااا دخلي بالموضوع على طول
احم بسم الله نبدا
لاحظت في الفتره الأخيره انه كثر المزح المبالغ فيه والتريقه الزايده عن الحدعلى ابوجاسم
بشكل مبالغ فيه بحيث صار مسخرة المنتدى للأسف
ما أدري أنا وش هو شعوره هالرجال لما يشوف تعليقاتكم عليه أحس انه مو راضي باللي ينكتب
.
عنه وهذا شي أكيد
وأي عضو بالمنتدى لو يتعرض للي يتعرض له بوجاسم أكييييييد بيزعل
صحيح احنا في قسم الغربله والهجوله والفرفشه لكن مو مفروض نفرفش انفسنا على حساب
غيرنا
وبرضو لازم المزح يكون بحدود بحيث مانجرح مشاعر الانسان اللي جالسين نمزح معه
وبحيث مايتعدى الحدود مثل الاستهزاء بالشكل لأن احنا في هالحاله نعيب على حسن خلق الله
ولا الحاله الاجتماعيه للشخص لانها أرزاق والله يقسمها بين عباده
ولا بالاسلوب لأن حسن الحديث وقوة التعبير هبه من عند الله سبحانه وتعالى
المسكين كتب لكم مواضيع ما اخذتوا مواضيعه بعين الجد
وصف لكم بلده تتريقتوا عليه
تكلم عن نفسه تمسخرتوا عليه
حط لكم صورته سويتوه مهزلة المنتدى مع انه حليو والله ماعليه باس
ضحكتوا على أسلوبه على شكله على جلسته حتى نظارته ماتركتوها في حالها
شرشحتوه الله يكون بعونه
والله رحمت حاله المسكين
أدري ان كثير منكم يمكن يزعلون مني بس والله انكم غااااااااالييييييييين على قلبي
بالحييييييييييل واحبكم كثيييييييييييييييير ماااااره مره كثير عشان كذا ما احب اني اشوف
الشي هذا فيكم
غرابيل صار بيتي الثاني أقضي معاكم من الوقت اكثر من الوقت اللي اقضيه مع اهلي
ودي ان أحنا نكون اخوان نراعي مشاعر بعضنا
نخاف على احاسيس غيرنا مثل مانخاف على احاسيسنا
وأذكركم بقوله تعالى ((( يا أيها الذين آمنوا لايسخر قوم من قوم عسى أن يكونوا خير منهم ولا نساء من نساء عسى أن يكن خير منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون )))
]
وقال صلى الله عليه وسلم (((بحسب امرء من الشر أن يحقر أخاه المسلم )))
في الختام اعذروني على صراحتي واتمنى ان أخواني وحبايبي مايزعلون مني بس كله من حبي
لكم وخوفي عليكم
ولكم مني اجمل سلام