[align=center]حفظ الله بلادنا وولاة امرنا من كل مكروه[/align]
[poem=font="Simplified Arabic,6,green,bold,normal" bkcolor="white" bkimage="" border="inset,2,gray" type=2 line=0 align=center use=ex num="0,black"]
استطالو يابعد عمري كثير=وافزعوك وكدرو صفوك مرار
تبت ايديهم عديمين الضمير=حاولو تشويه حسنك بأنفجار
حسبي الله فيهم ونعم النصير=التوافه , الصعاليك , الصغار
من حقير الى حقير الى حقير=من شرار الى شرار الى شرار
جعلهم للنار مع بئس المصير=من نوولك يالعزيزه بالدمار
:
لا تـخــافــي
لا تـخــافــي
:
لاتخافي والله إنك بألف خير=لاتخافي دونك رجالٍ حرار
كل مدينه , كل قريه , كل بير=كل بلده , كل حاره , كل دار
من رضيع الشعب للشيخ الكبير=معلنين الك الوفاء سر وجهار
دامنا حولك فلا يلحقك ضير=والله انك من عمار الى عمار
في يمينك كلنا سيفٍ شطير=نقطع ايدين البغي وضح النهار
نرخص الروح العزيزه مانشير=نحتميك ولو عليك الوقت جار
اي نعم حنا على ترابك نغير=ولعنبو من لا على خديك غار
انتي قولي وش تبين انه يصير؟ =ومن قبل لاتنطقين انقول ( صااااار)
يالعزيزه جيتك بنفح العبير=جبت قولٍ في رساله وافتخار
قول ربعٍ جيت انا منهم سفير=ربعي الغلبا .. متيهة البكار
عارفتنا فالمواقف دوووم غير=والولاء منا خذا رمز وشعار
كلبونا فدوة ترابك نصير=حاجتينٍ ياشهاده .. يا انتصار
ودام فينا واحد برجله يسير=ارقصي ودقي بلحن العز طار
ودام باقي بنسلنا طفلٍ غرير=لاتخافي يابعد كل الديار
طفلنا انرضعه منهو صغير= بالوفاء حتى يجيلك ابن بار
ايه انتي يااحلى من ماي الغدير=يامنار الكون ولقلبي منار
لاتخافي وبلغيهم بالنذير=هالتوافه الصعاليك الصغار
بلغيهم بالنهار المستطير=بلغيهم جملتينٍ بأختصار
(النمل اذا طلع له ريش طير)=(ذي رساله له بقرب الأحتضار) [/poem]
[align=center]تقبلوا فائق التقدير والاحترام [/align]