[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيتك من الماضي البعيد/ اشيل همي واتبعه = ماهمني طول الطريق/ السيف فكري واليراع
جيتك وانا كلي وضوح/ ولا لبست الأقنعه = من شان تدرك في وضوح/ ابكل فهم واقتناع
ماجيت من ضعفي حشى/ لو حسّ قلبي بوجعه= آطى عليه ولو شكى/ إن كنت ناوي بالخداع
ابحرت في دنيا الغرام/ والبوصله متصدعه= هاج البحر / زاد الظلام/ وانا احاول بالشراع
زلزال في وسط الضمير/ يهزّ قلبي يفجعه= مقياس رختر مادرى/ ماله لمثلي اتساع
مركزه جمرٍ كالغضى/ إن هو تهاون يلذعه= ينذر بزلزالٍ جديد/ امن الفواجع والجياع
ياخيل ربّي اركبي/ ظلم العدا من يدفعه = طاح الجمل من ذلّته/ مافاد به طول الكراع
قالوا وقالوا بالمثل / هرج العقل ما اروعه = طيرٍ بلا جنحان/ تفرسه الزواحف والضباع
واللص إذا استضعفك/ وجهه ويا ما أوسعه = لكن اذا شاف العصا/ يهرب فلامنك انتفاع
وش لك بباقي السالفه/ ثوبٍ ولا من يرقعه= كاس الخليج وروّحت/ هذا قدر لازم يطاع
واحنا هل الكوره وحتى/ لو هزمنا باربعه = يحيا الزعيم/ وكل نادي من نوادينا القلاع
وتحيا قناوات اللحم/ والمطرب اللي ما اميعه= وفخّ الجزيره مع سعد/ مايسمعه إلا الضفاع
المعذره تاه الفكر ونْسيت نار مْولّعه= من شانها جيتك/ فقلبي من غرامك بالتياع
لاتسمعي هرج العواذل/ من سمع له يخدعه= انتي ونا طيرين في الجنه وقلبي لك مشاع[/poem]