[align=center]
أسعد الله صباحك وممساكم
أجدد التواصل معكم وتفعيل منتدانا الذي عشقناه[/align]
[poem=font="Arial,5,blue,bold,italic" bkcolor="transparent" bkimage="backgrounds/20.gif" border="double,8,blue" type=2 line=0 align=center use=ex num="0,black"]
خلوني أجر عال الصوت وأغني=ترى الصدى لارجع صوته يسليني
أباأتغنى بشوق ٍ غايب ٍ عني=لو أرفع الصوت له ماهوب موحيني
الصاحب اللي صفى ظنه على ظني=ماأنساه وأجزم بعد ماهوب ناسيني
مابالغنادير عنه اللي يعوضني=يكفيني اللي مضى لي منه يكفيني
منه الهواجس يبعدمني ويدنني=وفيه الأماني تبيع وتشتري فيني
مدري وش أخذت منه ووش ترك مني=لكن حبه توزع في شراييني
لصويحبي يانجوم الليل دلني=ماعاد بالعين دمع ٍ تنثره عيني
إما إفزعن معي وإلا لاتغيبني=من غيركن في سهر ليلي يجاريني
وياليل وشلون حال الترف طمني=عطني خبر قبل تقفي لاتخليني
وياذا الهبايب متى صوبه تهبني=خوذن من أشواقي لسيد المزاييني
وياذا الطيور اللي بجوه تحومني=ياليت لي مثلكن ريش وجناحيني
وياشيخ تقرأ ماتقرأ مامعي جني=أنا عليل الهوى وأعرف مداويني
ويالايمي ماتلام إن كنت لايمني=أكيد ماذقت لوعات المحبيني
ورغم إن الأيام لا أقفن مايعودني=والله لأرجيه دام الله محييني [/poem]
أبوسبيل