[poem=font="Arial,5,blue,bold,normal" bkcolor="transparent" bkimage="backgrounds/8.gif" border="double,9,royalblue" type=2 line=1 align=center use=ex num="0,black"]
يقول مفتش التعداد عندك ياسعد غلطات=لقينا بيت ٍ أنت مرقمه خمسة عشر مره
وهومايدري إني لالفيته ضاعت الهقوات=وأصير بحالة ٍ يعلم بها الله كل ماأمره
وإلى جيته تساوت عندي الروحات والجيات=لاشفت الليل ضافي وإكتمال البدر بالغره
أخم الهرج وأخطي به بشاميات عاميات=أنامجنون فعلا معه مامن عقل بالمره
مع الغنج أتحطم وأعلن إستسلام للنظرات=ومع كلمة حنان أربع فصول القلب مخضره
ولا أسمع فيه لاناصح ولاعاذل ولاشمات=ياليت الناس تتركني معه وبخيره وشره
أناراعي هوى وأتبع هوى لي بالهوى مشهات=هواي أقص له جره وأناماني من المره
ولاأقنع بأي صيدة صيدتي ماهي كما الصيدات=يابين الفرق مثل الفرق بين جنيف ووالـ (......)
ولاأتغزل بحي الله جزل وأنقي الجزلات=وقلبي مايلد إلا لمن يفتح له الشفره
أنامدمن هوى وأدوي معه وأسج لي سجات=مابين الجو مابين البحر وطويق والحره
إذا هذا الخطأ مدل وأبصم لك عشر بصمات=ولوحانت لي الفرصه بعد لا أعاود الكره
ماأريد مكافأتي كلها وإسترجع الشيكات=مدام الحظ هالمره تبسم لي مع الدره
أبيع العمرفي فرصة تلاقي والعمر فرصات=كماقال المثل ماكل مره تسلم الجره[/poem]
أبوسبيل