[align=center]
أجدد لقائي بكم عبر هذه المتواضعه آمل أن تستحق وقوفكم هنا[/align]
[poem=font="Arial,6,black,bold,normal" bkcolor="transparent" bkimage="backgrounds/18.gif" border="double,8,sandybrown" type=2 line=1 align=center use=ex num="0,black"]
من غير ليه أنت صح النوم توك تقوم=مفروض تفهم على الطاير بكل إحترام
ماحال دامت بحال الدايم اللي يدوم=ماضي وولا مع أيامه عليه السلام
مانيب في حاجة ٍ لمفسرين الحلوم=وجه الحقيقه ظهر وإنزاح عنه اللثام
واليوم ماني رفيق ٍ لك مثل كل يوم=ما أشد فيك الظهر ولا تشد الحزام
الله ولا رفقة رخمة ٍ ردي العزوم=مسلوب إراده ورأيه في يدين المدام
ماني رفيق الرخوم ولاعيال الرخوم=أرافق اللي رفاقتهم عليها الكلام
بياع بأرخص ثمن حراج يامن يسوم=بالكوم لكن رفقات الردى ماتسام
من لاتبين ضحى ماله بعرفه لزوم=وإلا الجبال المنيفه تحتجب بالظلام
الطيب ماله وسوم ولا الردى له وسوم=لكنها التجربه تكسر صليب العظام
النادر من الرفاقه وين شبه معدوم=عند الشدايد يفك من اللحام اللحام
أعرف من أجاوره من قبل أطق الرسوم=وأشوف منا ومنا قبل نصب الخيام
والحر مايبني أوكاره على عش بوم=وإن طار طاير وقع مهما تعلى وحام
لكن الأرزاق وهبه والطبايع قسوم=ولاهوب عذر الغبا لمخالفين النظام
هذي علومي ولاعندي بعدها علوم=موجز وحطه على ماقال مسك الختام[/poem]
[align=center]
أبوسبيل[/align]