[frame="7 80"]يايمة اه لو تدرين اداري الدمعة واخفيها
يايمة من القهر ودي اصيح وداخلي مغبون
هموم اثقلت حملي ودموع ودي ابكيها
ولا أقدر من كذا اكثر ابين خافي المكنون
اخاف من نظرتك يمه تغير وضع غاليها
تحكي خدك بكفك وقلبك داخله وطعون
يايمه لو مسحتى لى جروحي وش يداويها
وحظي عاثر وطايح وقلبي دايم محزون
صحيح القول يايمه للبنت ام تخاويها
ولاكني بكتاباتي اطلع واقعي المدفون
مآكل الي كتبته به احلامي وارجيها
ومآكل الي كتب الشعر هو العاشق المجنون
يايمه لو منعتيني حرام انك تسويها
اعيش بوسط هاالعالم واحس بداخلي مسجون
تبيني اوعدك بدروب المحبة اني ما امشيها
ولا اكتب شوقي بكلمة ولو كلي شقى وشجون
انتي بعالمي شمعة ودروبى تضويها
وعساني عند حسن الظن ما خيب لك أي ظنون
بس ياميمتي تكفين هاذي بس عديها
ابكتب بالشعر همي وهم الناس لا يدرون[/frame]