مليت تعذيبك

[عبدالرحمن الدوسري]

السلام عليكم ورحمة الله وبركاته
أخواني الأعضاء
هذه قصيدة متواضعة من قصائدي
التي أتمنى أن تلاقي أعجابكم ورضاكم عنها وعني

[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
أوفيت في تجريـح قلبـي وكفيـت=قلبٍ يحبك وأصبح اليـوم مطعـون
حبيت غيري وعن هوانـا تخليـت=وأول حلفت وقلت والله ما أخـون
الله أكبـر يـا حبيـبـي تناسـيـت=حبٍ جمعنا وأغلب النـاس يـدرون
أول خفوقـي بالمحبـة لكـم بيـت=واليوم بأشباح الحزن صار مسكون
كم مرةٍ فـي تالـي الليـل ونيـت=وكن الحشا في داخله جرح طاعون
ومن حر مابي با ابن الأجواد هليت=دمعي وقبلك داخل العين مسجـون
ولا شفت عذالي تضاحكـت بلفيـت=إني سعيد وداخلـي حـزن مكنـون
أول تبادلنـي الغـلا مـا تغلـيـت=واليوم عندك يرخص الحب ويهـون
مدري زعل يا صاحبي يومك أبطيت=عن صاحبٍ يحفظ محبتك ويصـون
أبشر خفوقي قد نساكـم ولا قيـت=شخصٍ وفيٍ صادق الحب مزيـون
مليت تعذيبـك وأنـا منـك مليـت=وشلون أسامح جارح القلب وشلون
من عقب ماني قي غيابـك تهنيـت=تبغاني أرجع للحزن أنـت مجنـون
وين أنت ؟؟يوم أني نخيتك وناديـت=توَه طلع لك سمع وأحساس وعيـون
تدري به أمرٍ واحـدٍ منـك حبيـت=ويمكن عشانه صرت لك حيل ممنون
إني "بحزين الحرف "عقبك تسميـت=وأصبحت أكتب شعر والناس يقرون
ودي تسافر قبل مااقضي من البيـت=ومن قبل أختم القاف بالواو والنـون[/poem]



للاستماع للقصيدة
http://members.lycos.co.uk/adn249/mleet.ram

لحفظ القصيدة
http://members.lycos.co.uk/adn249/mleet.rm

وسلامتكم
عبد الرحمن سعد
حزين الحرف

[ناصر الفراعنة]

الله أكبـر يـا حبيبـي تناسـيـت
........حبٍ جمعنا وأغلب النـاس يـدرون

أنا اشهد
وقصيدة تلامس القلب دون اسئذان
صح لسانك وعلا شانك يا عبدالرحمن
تقبل تحية اخوك اعجابه

[سعد السبيل]

[poem=font="Arial,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
معك حزين الحرف بالصوت جريت=لكن على ماقال قالوا يقولون

هنيك إن كانك تناسيت وأقفت=هنيكم يا أهل الهوى كيف تقوون

وأنا مع الهوجاس لأصبحت وأمسيت=ما أسلا عن الأحباب لوكان يقسون

حاولت ثم حاولت لكني أزريت=وحالي من الهجران من دون في دون[/poem]

[align=center]
هلا بك

حزين الحرف

بودي أن لدي مجال لأقول شيئا

ولكن دقت ساعة العمل

فكتبت أعلاه على الطائر رمزا لإعجابي

ببوحك الجميل

تقبل تحيات أخوك

أبوسبيل
[/align]

[طيف الوله]

أول تبادلنـي الغـلا مـا تغلـيـت.......واليوم عندك يرخص الحب ويهـون
مدري زعل يا صاحبي يومك أبطيت.....عن صاحبٍ يحفظ محبتك ويصـون

الله الله الله ياحزين الحرف

قصيده لامست فينا الجراح واجبرتنا ان نرددها معك بكل مشاعرنا

كم انت رائع بالفعل في هذا البوح الراقي

دمت بخير وصح قلبك شاعرنا المتالق

[عمر البايح]

حزين الحرف

ياسلام والله على هالابداع


يابعدي صح لسانك مليووووووووووووووووون

وما يكفووووووووووووون

تحياتي وتقديري

القلب العديم

[عبدالله بن راجس]

ابوسعد


صح الله السانك يامبدع




دئم جزل والجزل مايجيب الا جزل



تقبل تحيات اخوك

[محمد بن دحيلان]

قصيده عذبه



صح السانك يالجزل



تقبل تحياتي

وبنتظار جديدك

[ديمة الشوق]

السلام عليكم


اخى العزيز حزين الحرف


صح لساانك ولا هنت


اختك ديمة الشوق

[أمل عبدالعزيز]

0
00
000

عذب الحرف ياأيها السعيد .....

قصيدة تبهر من يقرأها \ يشعر بمعانيها \ تحتويه بكل مافيها ..........

قلت ياعزيزي:



مليت تعذيبـك وأنـا منـك مليـت
........وشلون أسامح جارح القلب وشلون
من عقب ماني قي غيابـك تهنيـت
............تبغاني أرجع للحزن أنـت مجنـون
وين أنت ؟؟يوم أني نخيتك وناديـت
...........توَه طلع لك سمع وأحساس وعيـون
تدري به أمرٍ واحـدٍ منـك حبيـت
..................ويمكن عشانه صرت لك حيل ممنون
0
0
0
هنا نبرة الحزن التى جعلت شاعرنا العذب يهمُ بالفراق , والبعد عن حبٍِ أوصله لحاله الملل , والضيم الذى لايطاق...

لكن ياترى هل يستطيع ذلك؟

لا أعتقد فهناك من سبق وأقسم أن يهجر وإذا بالهجر يوصله إلى دار المحبوب بلاموعد ولا سابق رصد...

من صد عن عيني سلى عنه بالي
الا انت وان صديت ماعنك مسلى
بكل الظروف ان رحت وان جيت غالي
مع الزمان يزود حبك ويحلى
ان حل زولك أو خيالك طرالي
انسى الهموم وضيقة الصدر تجلا
وأن غبت طيفك ما يفارق خيالي
وان شفت زولك قلت اهلا وسهلا
0
0
0
\
\
\
ونأتي للتسمية !!!!!

نأتي لصاحب الحرف الحزين ........

حيث قلت:


إني "بحزين الحرف "عقبك تسميـت
..................وأصبحت أكتب شعر والناس يقرون
ودي تسافر قبل مااقضي من البيـت
..................ومن قبل أختم القاف بالواو والنـون
000

حينما تنتهي نهاية بأن يكون المرء مثلك شاعر ياعزيزي حزين إذاً فسأقوم بالنداء لمنظمة تدعوا للهجر والصد كي يكثر من هم على شاكلة حرفك \ نبضك \ قلبك

ومن ختم بقاف مثلك قافك لابد أن حالته كانت غير ذلك .....

فكأني بقلبك وهو يقول لذاك المحبوب:

حاولت اخونك صرت غصب أصونك
حاولت أهاجر منك .. وأثر السفر فيك
حاولت أسهر ياحياتي جفونك
لقيت عيني في هدبها تغطيك
أصد عنك وكل كلي بيونك
تصد مثلي .. راح بعضي يباريك
رغم ان قلبي ممتلي من طعونك
اليا زهمته قال : لبيك
تدمع عيوني لا التقت في عيونك
وشلون لو كفي تضمه أياديك؟

0
0
أجمل تقدير لهذا الجمال ........

[شيخ اااالشباب]

حزين الحرف


كفيت ووفيت والله


قصيده في قمة العذوبه ورائعه بكل ماتعنيه الكلمه بصراحه

نزف جميل

وملامسه للواقع بكثير من الشفافيه


صح لسانك وماقصرت

اخوك

ماجدابن حباب

[عبدالرحمن الدوسري]

أخوي ناصر
لقد شرفتني وشرفت قصيدتي المتواضعة
بأن تكون أول من يرد عليها
لك مني كل الشكر
وصح بدنك
وإن شاء الله اكون عند حسن الظن
دائماَ وأبداَ

[عبدالرحمن الدوسري]

شاعرنا الرائع والمتميز
ابو سبيل
بصراحة أشكرك جزيل الشكر على الرد
الجميل وعلى الابيات الرائعة
التي ورغم قلتها إلا انها ربما تفوق قصيدتي كاملة
لك ودي وحبي

[عبدالرحمن الدوسري]

طيف الوله
صح بدنك وألف شكر على
هذا الرد الجميل
والطلة الرائعة
تقبلي تحيتي

[عبدالرحمن الدوسري]

عمر البايح
صح بدنك
وألف شكر على هذا الرد
لك مني كل الحب والود

[عبدالرحمن الدوسري]

ابو هادي
صح بدنك والابداع هو ردك وتواجدك الدائم
إن شاء الله اكون عند حسن الظن
دائماَ وأبداَ
لك ودي وحبي