السلام عليكم
للتواصل
وعسى الله يكتب لها قبول
سود الليالي
[poem=font="Simplified Arabic,4,skyblue,normal,normal" bkcolor="transparent" bkimage="backgrounds/21.gif" border="double,4,darkblue" type=0 line=0 align=center use=ex num="0,black"]
الله يكثر خير سودالليالي = خلتني أعرف كم للأصحاب ملة
لامن طغت ماوقف إلا الحالي = واندرهمت لي جات شلة وشلة
مشكور ياوقتي على اللي جرالي = مانيب ضايق من عطايك لله
وإذا على الصدمات ياهم لالي = حظي مقفي والزمن فية خله
البارحة يوم اكثر الناس سالي = وانا ارقب انجوم السماء والاهله
من همي اللي ماله أول وتالي = فوحه على حدب الحنايا يزله
لونها على الحمول الثقالي = مهتز متن كايد الحمل شله
لاكنها طعنة ومن كف غالي = رجة صفى صلب الجبال المطله
سلمان طال الهم ياخوك طالي = همٍ يابو مخلد خفوقي يتله
سلمان ياحظ الحجر مايبالي = وياحظ من لا ضاق دمعه يهله
وياحظ من حظه فرش له زوالي = وكفّي دقايق هم وقته وجله
عالي واعرف الطيب ياخوك عالي = وان الكرم ظل المناعير ظله
ساطي وربعي يحتمون التوالي = لاجا نهارٍ فيه لسيف سله
لكن اشوف الوقت ينكر سؤالي = وقتٍ سؤاله ما تلهمة حله
اليا متى يالقرم وانا شمالي = واليا متى ندمح ونجزى بزله
جعل الردي يفدى زحول الرجالي = اللي دروب الطيب مثلك تدله
وختامها لله در الليالي = خلتني اعرف كم للاصحاب مله
وسلامتكم[/poem]
سلمان المقصود ...
هو ابن عمي .. المهندس سلمان بن نمشان السهلي مدير استاد الملك فهد الدولي