[align=center] المــادة : تطنيشيــاء
الموضوع: هج الكشر في أوقات الضيق [/align]
[align=right]التاريخ:60 / 265 / 69884هـ
اليــــوم: السبت[/align] [align=left]حكمة اليوم: وإذا أردتي زوال همن ناشبن..فروحي فحطي وماعليتس من الآوادمي [/align]
قبل مانبدا بدرسنا لهذا اليوم المبارك بعطيكم نبذة أو تعريف لضيقة الصدر
ماهي ضيقة الصدر ؟؟
ها مااحد عنده جواب ؟؟
ها ؟؟
نقول :
ضيقة الصدر: هي حبل متين يشد على الصدر فتحس انك مغيول
أو تحس ودك تسطر كل اللي حولك
ودك تمسك هاللي قدامك وتصبخه بالجداار ومن قوة الضربة يرجع لك فتصبخه
مرتن ثانية ويرجع وتصبخه ويرجع وتصبخه وهكذا دواليك لما يصير علك << تلزق به لازقه
أو مثلا تحس ان صدرك ضييييييييق مايقدر يشيل نملة
أو تحس ان ودك تحفر قبر وتدفن روحك به
والى آخر ضيقات الصدر
المهم بدرسنا اليوم نبي نعرف الطرق الحديثة لحل أزمة ضيقات الصدر عند شاباتنا البنات
قديما كانوا يقولون : لاضاق صدرك .. رح بشر أمك !!
لكن الحين بعد ماتطوروا واكتشفوا الكنبيوترات والمنتديات والاستشوارات وعصارات البرتقال
والملاعق والسكاكين اكتشفوا انهم كانوا يعيشون بغباء لا داعي له
قالوا: الحين اذا رحت تبشر امك .. وش بتستفيد ؟؟
أمك بتقعد تصيح وتنيح .. وتخمخمك .. وياعردزي ياوليدي يابعد أهلي ياوليدي عين ماصلت على النبي
يعل عينه الفق هاللي نضلك يعله مايتهنى بيومه ولاباتسر ولاعقبه ياعله ينشل ويطيح بفراشه
وخذ يادعاواات مالها آخر
وهو والله لو تشوفين الولد تحمى تسبدتس منه على وشو منضول والله مدري
المهم قالوا ماراح نستفيد اذا قلنا لأمهاتنا .. فخلونا نكتشف طرقن أوخرى تحل وتفك ضيقات الصدر
من دون صياح ونياح ....
وبحثوا وبحثوا .. ودورا .. لما لبسوا نظارات .. وتصلعت رووسهم ..
وأخيرن لقوا .. طرق مبتكرة حصلوا فيها على براءة اختراع
وهذي الطرق تعتمد على نوع ضيقة الصدر ..
فمثلا .. به ضيقة صدر من قهههههر .. :
مثلا مرة خلص اشتراك النت حقتس .. يوم رحتي لأبوتس تشحذينه..
قال : انلقعي مهناش
ساعتها بتهجم عليكي ضيقة صدر تجعلك تركضين إلى غرفتك وتغلقين الباب وتجلسين تصيحين
عاد على حسب معدل التميلح ممكن إذا صكيتي الباب تركيتي على الباب وجلستي
مثل مايسوون بالمسلسلات يعني ودقيتيها صيحة ..
أو ممكن تصكين الباب وتسرعين لسريرتس وتنسدحين مثل مايسوون بالتمثليات على وجهتس
وتقعدين تضربين سريرتس بايدينتس تقل هو اللي قايل لتس .....: لا مهناش !!
ضيقة الصدر هذي تسمى قهر !!
وش تسمى ؟؟
قهر
علاجها .. :
حطي ابوتس على جنب .. ok ؟
إذا دخل أبوتس الحمام (تكرمون) روحي لثوبه واصرقي منه ثمانين ريال
لأن سعودي نت ميه وعشرين ساعه بثمانين ريال .. المهم بس احرصي يكون بدورة المياه
لاتصرقين وهو نايم .. لأنه ممكن يكون أبوتس ذييييييب .. ويصير يراقبتس بعين وحده !!
وبعد ماتاخذين الثمانين لا أحسن خوذي تسعين المهم
عطيها وحدة من صديقاتس تجيب لتس بثمانين بطاقة نت وعشرة اشري بها من المقصف
وناااااااااسة تغدي وانتي بالمدرسة
وحليناها ..
نجي للنوع الثاني ..
ضيقة صدر من ملل .. نشوف كيف تصير هذي ؟ :
مثلن مرة كل أهلتس رايحين طالعين برا البيت وانتي لحالتس بالبيت بحكم ان عندتس مراجعات
أو امتحان أو مثل كذا ..
المهم طفشتي من المذاكرة .. فتحتي التلفزين لقيتي به عناوين الأخبار توها بادية والقنوات
الثانية مشفررها ابوتس .. والتلفون مالتس خلق تهذرين بهالوقت والنت أبوتس آخذ التوصيلة عشان ماتفتحينه << تعاني دئلت
يعني باختصااااار .. مافيه أمل تقفلت بوجهتس .
بهالساعة ..
سوي مثل ريميه .. روحي شوفي ثياب أخوانتس والا أبوتس .. الثوب اللي بيصير وسيع وتضيع الملامح فيه البسيه
اصحي تلبسين ثوب واحد نحيف همن تنفضحين !!
وخوذي شماغ أبوتس أو أخوتس .. الأحسن ريحة تلثمي فيه زين لايطلع شي الا عيونتس
وقبل روحي امسحي الكحل والمسكرا .. لازم تصيرين تقل ولد انتبهي !
واطلعي بالشارع .. أوقفي عند مكان تجمع شلة الحارة واذا شفتيهم تلصقي فيهم بس
من بعيد لبعيد .. قولي لهم :
بليز شباب ودي أفحط ماعمري جربت .. واللي يفحطبي أعطيه اللي يبي
عاد بيبسطووووون .. يخلونك تعبين لهم بنزين .. وتنفخين لهم الكفرات
وبيفحط بك واحد منهم ... ساعتها بتروح ضيقة الصدر الناتجة عن الملل
ولو وداك لمحطة بنزين وقال لك البنزين بااااح .. لازم أعبيه فل
شيلي الشماغ عن وجهك .. وقولي له :
ودني بيتنا لأنادي الهيئة :ياهو: وبكذا تنحل ..
نجي للنوع الثال وعلاجه .. :
ضيقة صدر ناتجة عن احساس بالاضطهاد !!!
تحدث كثيرا عند البنات اللي يكونون البكر لأهلهم يعني مافيه اخت أكبر منها تشيل هالاضطهاد
مثلا .. أول ماتجين من المدرسة وانتي بغرفتس تخلعين عبء يوم دراسي حافل بالتهزيئات
تجيتس اختتس او اخوتس ويقول: أمي تقول روحي جيبي الغد
أو وانتي تكلمين وحدة بالتلفون يجيتس اخوتس يقول : تعالي لبسين ثيابي توصخن
ولو قلتي لا بتسحنتس امتس ..
أو مثلا يقول لتس اخوتس : روحي سوي قهوة وشاهي .. بيجيني واحد من الربع
والخ ............
علاج ذيقة الصدر الناتجة عن الاضطهاد
بكل بساطة ... الاضراااااااااااااااااااا اااااااااااب
ايه ليش مستغربة .. أنتي انسان ولتس حقوق بهـ الدنيا
أجل يكرفونتس كرررف وبس ؟؟
لا وستين ألف لا
لاترضون ياحبيباتي بهـ الاضطهاد الغاشم
سوي اضراب وانتي ماتشوفين الدرب
بس ادخلي غرفتس واقفلي الباب وسكري اللمبات ونامي
وخليهم يطقون الباب .. ويقولون اللي هم يقولونه
صحيح بيجي يوم ويكسرون الباب بس عادي اذا كسروا الباب
أنا أضمن لكـ ساعتها تصيرين ميته :ياهو:
واضح ؟؟
فاهمين ؟؟ والا أعيد ؟؟<< والله لو تنطوون ماعدت
الواجب :
س1_ ماذا تفعلين حينما يرن الجوال وانتي تقطعين بصل ؟؟
س2_ عللي : حدوث الزلازل والبراكين تحت قاع البحار والمحيطات ؟؟
أشوف وحدة الحصة الجاية ماحلته !!
وترى الدرس هذا داخل معكم بالاختبار
سلام عليكم
لاتسون
وإذا أردتِ زوال همن ناشبن .. فانقلعي نامي بس