[frame="10 80"][poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل عام والجميع بخير وعيدكم مبارك
اليكم والعذر عن القصور
;
;
;
قالت جديدك قلتنا مابـه اجديـد=اصلاٍ جديدي فيك ماهو جديـدي
قالت بشان العيد قلت الله يعيـد=فرحة لقانـا يالغـزال الفريـدي
للعيد فرحه وانت لي فرحة العيد=ياعيدي اللي فيك يحلـو عيـدي
انتي جمال العيد ياشيخـة الغيـد=وانتي بعد للزين عـمٍ وسيـدي
وانتي بعد عيدي لياجبتنا العيـد!=عيدي معك عيدين شيٍ وكيـدي
;
;
;
;
والــعـيــد الآخـــــر
;
;
;
;
والعيد الاخر يالغلا سجـة البيـد=في خايعٍ قفـرٍ مكانـه بعيـدي
في خايـعٍ مادوجوبـه مقاريـد=فيه الخزامى والنفل والزبيـدي
من كبر نبته ماتشوف المفاريـد=ولاداجه الشاوي نزول وشديـدي
ولاجاه عساسٍ حدور ومسانيـد=ولاطبه الا مسبتـات الحديـدي
VXR اسبير زيـن التجاعيـد=غرنوق توه من الوكاله جديـدي
فوقه صبيٍ يعرف الخـد ويجيـد=جـزاع بتـاعٍ ورايـه سديـدي
وخوة نشاما تنفع الروح وتزيـد=في عمر راعيها وربي شهيـدي
وياماحلا لمن تلا فو على الصيد=والكل منهم فك طيـره يصيـدي
هـذي مطايـرٍ وهـذي ملابيـد=واللي تروح طيار (سلطان) بيدي
يطلع وعنها كنه يميـل ويحيـد=مرهي بها طيري واعرفه عنيدي
وكل على سلطان يثني التماجيـد=حتى يتعلاهـا وتنـزل هميـدي
تقول كنه يعرف بعض المناقيـد=وكنه يقول ابشر بها ياعضيـدي
وبعد المضحى والقنص كلٍ يشيد=ويقول طيري فارقٍ بالمصيـدي
نرجع ونشرب من دلالٍ مقانيـد=هاذي بها هيلٍ وهاذي عويـدي
هي غايتي بالذات ياتعلة الجيـد=خوة نشاما في حياتي رصيـدي
وختامها يالله عسى عيديك سعيد=ياللي اثرتي هاجسي في قصيدي
[/poem][/frame]
جزل
جزل
جزل
صح السانك
تقبل تحياتي وتقديري
اخوك
رد مع اقتباس
المشاركة الأصلية كتبت بواسطة !شيخ الشباب!
