المشاركة الأصلية كتبت بواسطة فيصل بن راجس
[align=center]جديد للتواصل[/align]
[frame="9 80"]
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
*
إن غبت غابت فرحتي واشمئزيت=وإن جيتني كل المصايب عوافي
أنا وقلبي ما بعمري تمنيت=ألا الخوافي تستمع للخوافي
أنت الحبيب اللي بزينك تعليت=أنت الأمير اللي مع الحب وافي
حلفت ما أنظم قاف وأزين البيت=ألا بشوفك يا أمير القوافي
لن القوافي والمعاني الى جيت=تجي معك وألا تعوّد مقافي
أنا أشهد أنك في عذابي تماديت=عذبتني برموش سودٍ رهافي
وصّاك قلبي والله أنك توصيت=حكمتني حتى تومّرت قافي
خليتني لا حي بعدك ولا ميت=صاير حضوري مثل وقت إنصرافي
أليا خلت عيني بعينك تناسيت=جرح الشقا مدري عذاب التجافي
الموت ماهو موت حرب الديناميت=الموت جيش الحب لاجاك لافي
شفتك وشفت الموت ثم استعديت=أبعترف ليته يفيد إعترافي
غالي علي في ذمتي لو تغليت=لك في صميم القلب منزل خُرافي
أرتح وريّح واسترح لا تقهويت=في قلب مشتاقك من الشوق دافي
وأن كان في قلبي من الشوق مليت=اسمك مكانه ما محته السوافي
حتى الحروف تغار لامن تحاكيت=تكفيني النظره وما شفت كافي
جرح الزمن جرحي ومنّه تشافيت=زولك بكل أوقات عمري يشافي
أنا دخيلك وألا أنا لا تغنيت=أحب وصف الحب لا صار صافي
أبسألك لا أكون في حقك أخطيت=أنت الملك وألا أمير القوافي
*
[/poem][/frame]
رد مع اقتباس
