ياللي بديت الحب في ليله ويوم00000وشلون تنسى صاحباً ماتناساك
انابديت الحب لك دايم الدوم00000كنّي خٍلقت اوصــــــفّك واتبع رضاك
انا اذا حبيت حبي له سلوم00000 أعرف سلــــــــوم الحب والاّ جفيناك
حرام تتركني وانا فيك مغروم 00000 ام ارضني وإلا اجفني واتحــــدّاك
خليتني من سبّتك اشكي اللوم 00000 وانا جريح في غرامك ولا مــــــاك
والعين عافت سبتك لذت النوم 00000 تعوّدت على السهر من سوايـــــاك
يا زين حبك داخل القلب مرسوم 00000 سبحان رب صوّرك ثم ســــــــوّاك
العين عين اللي شلع يكسر الحوم 00000 والخد نوره يكشف القاع لخطاك
واما النحر واقف به النهد مزموم 00000 وشعر تحدر منتثر خلف يتــــــــــلاك
والخصر ضيق واسفل الردف مضيوم 00000 والجسم ناعم لعنبوك انت محلاك
والموت شيء لانويت انك تقوم 00000 يصعب عليــــــــه منطقه والله ادراك
ارحم اسير في الهوى صار محروم 00000 انا اسير ك ياهوى البال واهواك
عايش على ذكرى وعايش على حلوم 00000 واموت واحيا كل ماحل طرياك
وان جاء مجالك عند احدِ لازم اقوم 00000 اخاف اهلّ الدمع لامر ذكـــــــراك
مقسوم لي يا ناعم العود مقسوم 00000 مقسوم احبك واشتكـــي وأتمناك
واليوم تم الحب لازم وملزوم 00000 ماهوتحب وتترك البـــــاقي هنــــــاك
ما قد خبرت احٍد يصلي ولا يصوم 00000 من يعبد الله لازم يقــــول رجواك
رجواك يارب السماء منشي غيوم00000 ياعـــــــالم بالغيب ماشي يخفاك
تغفر وتفرج همّ من كان مهموم 00000 يالله يالمعبــــــود يارب سلـــــــواك
تلطف بحال اللي فقد حرفة العوم 00000في بحر حب اللي زرع دربي اشواك
ياصاحبي لغز المحبين مفهوم 00000 صغت المعاني بالغلا والشــــعر جاك
ابيك تفهم كل ما كان مكتوم 00000 من شـــــان يومٍ لا تلاقيت ويــــــــاك
وقمنا نعاتب بعضنا ونبني ارجوم 00000اذكرك في ما مضى يوم لقيـــاك
لاقلت لك وينك تعذرت معزوم 00000 توك صغير وعـــــــــاذرك يوم مبداك
واليوم منتب جاهل وعندك علوم 00000 تعال صافح كف يمنـــــاي يمناك
الحب مايشرى ولا يباع بالسوم 00000 مير الله اللي حطنـــــي غاية امناك
لو المحبة كلها رماح و سهوم 00000 قومت جيش يضرب اعــــــدي وعداك
وجيتك وانا ( ضامي ) في مقدم القوم00000 غصبن على هذا وذولا وذولاك
لي عزوتاً من سمعها جاك منجوم 00000 يضرب على الثنتين لحماه وحماك
(ربعي هل الغلبا )مناعير وقروم 00000 علـــــمٍ يجيك وياصـــــلك ويتعداك
مير المحبة ياملا قدر محتوم 00000حبٍ من الله حطني وســـــــط بلـــــــواك
حب الشرف حب على حب محشوم00000ولا قد عشقت من المزايين شرواك
تمّ المحبة لا يجي الحب مظلوم 00000 محدٍ ترى مثلي على الخلـــــــــق بدّاك
وان كان حبك يابن الاجواد معدوم 00000 لا عاد تطرينا ولا عــــــــادّ نبغاك
رح في طريقك واترك الحب مذموم00000 والله يصبّرني على نار فرقـــــاك
بصبر ولوّ الجرح مازال مسموم 00000 ويمكـــن من الله خيرةٍ يـــــــوم ودّاك
لارحت ماني في هوى الحب محكوم 00000وان جيتني يا مرحبا بك وحيّاك
وابيك تذكر موقف الحب في يوم 00000 ولا عاد تنسى صاحبٍ ماتناســــاك
وســـــــــــلامتكم
رد مع اقتباس
