[ALIGN=CENTER][ALIGN=CENTER]TER]ورطتيني ياحسحس
وأنتي بعد ياشوق
يعني لازم تحرجوني
مومشكلة
بأقول بس رجاءً
لا يطلع الكلام خلوه بينا
<<<<<<<<<<< خدوده حممممرت
صار لي موقفين واحد قديم وواحد جديد
ابدأ بالقديم
رحت مرة أبي أصلح جوالي العصر
احلى ياجوالي
<<<<<<<<<<<< بيعلمك ان معه جوال
طبعا رحت لمحلات جوال مو لمستشفى
بداية العصر وأنتم خابرين الشمس
ويالله الواحد يفتح عيونه
تصير كأنها عيون صيني
ههههههههههههههه
حلوة عيون الصينيين سهلة الرسم
خط ونقطة
ههههههههههههههههههههههههه
المهم نعود حق هجوم فريقنا أقصد محور فريقنا
أقصد محور حديثنا
الشمس بالعيون ويالله أشوف الي قدامي رغم أني لابس نظارة تجنن
<<<<<<< يعلمكم أنه يلبس نظارة شمسية عشان الشمس مو قمرية
أقول لونها أو لا
لا ماله داعي
نزلت من سيارتي ال000000000
موحلوة عشان كذا ماقلتها
لا أبي أقولها كابرس وش زينها
والمرتبة الي ورى وسيعة تصلح شقة للي زي حلاتي عزوبي
المهم دخلت أول محل والثاني والثالث
وصرت أطلع من محل وأدخل الثاني
وبشكل سريع
تقدر تصلح هذا صديق
لا مافيه صديق
أوكي باي
وعلى هالطريقة
وأنا طالع من أحد المحلات وأبي أدخل الثاني
وبكل سرعتي
باب المحل قزاز ونظيف مرررررة مو باين
كأن لاحسه هندي الي يغسل السياراة
أول ماحطيت رجلي عند الباب
وإلا ذاك الصوت
انفجار بممممممممممممممممممممم
وش النصبة هذي
مو انفجار
صوت قوي مرة ططططعععععععععععععع
رجلي بالباب القزاز
ويجي دور جبهتي
تضرب بالباب وترجع ورى
بكل قوة النظارة في مكان المفتاح في مكان وأنا لازق بالباب
أنواع الألم بس مستحي من الناس الموجودين
أصحاب المحل والزباين سلامات سلامات
وأنا أقول ماصر شي وأضحك
أبي أصرف الوضوع
وأطالع عسى ماأحد شافني أو انتبه
ورجعت للسيارة بشكل سريع بعد ماقال لي الهندي مافي تصليح صديق
وأطالع بالمراية وأتفقد جبهتي هي بمكانها أو لا
وإلا صار لي خشم جديد بجبهتي
أويلااااااااااااااااااااا ااه ماأقدر ألمس راسي
أنواع الألم وسيدا على البيت وثلج واه واه الله يلعنك من جوال
بعد العشاء طالعين للاستراحة
وأقول أروح أو لا عشان الجبهة
أكيد بقولون من الي مصفقك ياراشد
وفاتح في وجهك علبة ببسي
أو بوفية هنود مسكرة
أتكلت على الله ورحت
وصرت السالفة ذيك الليلة
سلامات سلامات
كل شوي يجي واحد ويسألني
وأقول له السالفة
عدتها يمكن عشرين مرة
لا وزيادة الطين بلة هي
أن الصباح عندي دوام
والطلاب مايفوتون شي
أكيد أنه مسوي شي ولاعب في وجهه أحد
هذا موقف حقيقة ما أنساه
قولوا لي أش رايكم بالموقف الأول
نجي عاد للموقف الثاني الي صار يوم الإثنين الماضي
نصلي بالمدرسة[/ALIGN]
الموقف الثاني الحلقة القادمة
تحياتي لكم[/ALIGN]
رد مع اقتباس
