أحبتي الكرام
اسعد الله اوقاتكم بكل خير
أهدي جميع هذه الابيات الى كل أحبتي علها تشفع عن غيابي عن غرابيل المستمر
.
.
.
ذبحـني هالسؤال ارجـوك قلي بس وش جابـه
دخيلـك لـيـه تتعـمد مـع ضـحـكـك تبكيـنـي
....
من البارح تعيده ... هالسؤال وتطرق ابوابه
وعل نفس الطـريق اللي تجي منه توديـني
....
قلي وش تبـي مني وحزني ويش تلـقى بـه
يهمك ايش في هذا ... عذابي وانخلق فيني
....
تبي تعرف حكـاية شاعر جمهـوره أحبابـه
تبي تعرف يصفق ليه جمهـوري ويحيينـي
....
لأن الشـعر عندي ماهـو بس اوراق واكتابــه
ولاني من فراق أكتب ... أبي تكثر دواويني
....
تبي تعرفني شاعر ليه ؟ .. هاك الشعر واسبابه
تبـي تعرف مكـاني وين ؟ .. رتبـها وتلـقانـي
....
فـقـر مـال وفقـر حـال وفقـر حـيلـه وطـلابــه
فـقـر حـظ كريـم امـدلـه كـفـي ويـعـطـيـني
....
فـقـر عـيـشـه وفقـر دنـيا وجـوع تنهش انيابـه
فـقـر راحــه فـقـر صـحـه فـقـر فرحـه تنسينـي
....
فـقـر ايـه الـفـقـر يعـني ضـيـاع العمر وركابـه
فـقـر يـعـني فـقـر يعني عـذاب وضيم ماليني
....
وراس الـفـقـر وراس الـجوع وعـمر طـارت اسرابـه
وحـق الـدرهـم الـلي مـانـوى مـره يـخـاوينــــي
....
رضـعت الويل من صغري ولبست الحزن واثيابـه
على شط الشقى مولود ... هـمي كان يسقينـي
....
تقـطع وجـهي وجلـدي بـناب الـفـقر ومخـلابـه
ولا كـنـي عـزيز الـنفس ولـو أحتـاج تغنـينـي
....
كساني ثوبي المشقوق وبين الناس ازهابه
وكـل يـلتـفت يـمـي يظــن بتنكسر عيـنـي
....
حشى ما تنكسر عيني وانا اللي وقته يهابه
عـزاي انـي فـقـيـر صـارت الـنظرات ترمينـي
...
عيـون النــاس تطـعني وكل يغرس احرابـه
وبعض عيون اقدرها وبعض عيون تدميني
....
وشلي بعد ما قلته وتبغي تعرف اعرابه
مضيت ساعات اتكلم وانتا بس توحيني
....
تـبي تـعرف حكـاية عشـق وبـنت حيل لعابـه
تبي تعرف عن اسباب الجفى ما بينها وبيني
....
تـخـيل جـتـني وقـالت فـمان الله وتـرحابـه
تـشـرفـنا بـمـعرفتـك ويـالـله لا تـأذيــــني
....
وأنا اعشقها ثمان اسنين وهي تلعب وكذابه
تـسـلي نـفـسـها فـيني ونـيـتـهـا تخلينـــي
....
تبي تعرف حكاية قبر وطفله تسكن اترابه
تـبـي اقـولهـا مظـلوم ودم الطفـله بيدينـي
....
تبي تعرف وش الغربة من اللي طول غيابه
تبي أحكي قبل أعوام بالتفصيل انا ويني
....
تبي أحكي عن الزاهد وعن ذنبه في محرابه
دخيلك ما أقدر أتكلم خلاص ارجوك أعفيني
....
قسم بالله في صدري مدينه تلتحف غابه
مـديـنه سـاكـنه قـلبي وغابـتها شراييني
...
دخيلك سكر الموضوع وشف لك شي تسلى به
أنـــا مـنك ألاقـيها أو ألقاهــا مـن سـنـينـي
هجير الليل
صقر غرابيل الراحل