[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كتبتيني مع النسيان وكتبتك اعذب الألحان= اغنيها وارددها واقول بيوم الاقيها
ولكن تاهت الغربه بقلب العاشق الولهان= يجدّف في بحورالشوق لو يجهل هقاويها
وطال الليل وامواجه تحرّك في الحشا بركان = ينادي الفجر لو يرحم دموعٍ في مآقيها
يبي شمس الأمل تمطر وتغسل عاتي الأحزان= واشوف الشمس ما تقوى عجاج الوقت يعميها
رسمت الكون في عيوني على ذكراك بالألوان= مثل طيرٍ على غصن الشقا والروح مشقيها
يحاول ينطلق بالجو ولكن ما معه جنحان = نتفها حظها العاثر بنار الياس يشويها
يجرب .. بس يتعثر ويسأل دمعه الهتان = علاما تتركي جروحه نزيف الوقت يدميها
الا يا حلمي الماضي ولا يا حاضرالحرمان = احس الكون من دونك جحيمٍ اصطلي فيها
واحس إن الزمن وقّف علي ولفني باكفان = فحياةٍ دون نبض الروح ماتسوى اعانيها
نخيت الحب في قلبك اذا باقي على ما كان = يحاول يفهمك معنى جراحٍ بان خافيها
تركتيني ولا تدرين معنى الصد والهجران = على روح من الفرقى شكت من حر لاضيها
اشوف الحب في هالوقت تجاهل مبدأ الإنسان= يحب العولمه يركض وياخذ من مباديها
فكم من عاشقٍ طاهر قتله الحب بالاحزان= على من لادرى بحاله وهو مصدر مآسيها
ابي من هالقدر ساعه يحن ويفرح الوجدان = ويجمعني بها من قبل هالدنيا ما اخليها
واذا منّه تعذر لو يساعدني على النسيان = تعبت وتعبت سنينٍ تجرحني مواطيها[/poem]
رد مع اقتباس
