[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أعـتـرض اكــون لعـبـةٍ تقلبّها بـيـدك = أرفض الخضوع واكره مبدأ الشخص الجحود
أرفض العقاب بالحرمـان وارفـض مبـدأك= أرفض التغلـي منـك اذا تجـاوز الحـدود
أرفـض ان اكـون عتبـةٍ بسلّـم مسكنـك= أكره مبدأ استغلال الحب في فـرض الوجود
أعترض أكون سطر ٍفـي هوامـش دفتـرك = أرفض ان اكون مجرد شاهد ٍ علـى العقـود
أعتـرض أكـون رسمةٍ بـلـون ريشـتـك = أرفض ان اكون ضمـن غيـري عدَّ امعـدود
أرفض التهميش ولا أعيش تحـت رحمتـك = أرفض الإذلال وقد ملّيت من كثـر الوعـود
أرفض ان اكون فصل ٍ في مهـازل قصتـك = أرفض المبدأ اساسا دام بـه نكـث العهـود
أرفض التبريـر بالغلـط ولا اغفـر زلّتـك = زلّتك عمد ٍ ولا اقبـل منـك عـذر ٍ يالحقـود
أرفضـك ولا احتمـل مثقـال ذرّةٍ مـنـك =أرفضك وألفظك ياراعـي الهجـر الصـدود
أعتـرض أكـون عبد ٍ لـك يحقـق شهوتـك = اتهبـا ماهوب أنا ياشبـه الارقــط الـمـرود
غلطـتي إني تماديـت بـهـوى محبـتـك= غلطـةٍ منّـي أصـدّق انّــك لخلّك ودود
قـد نهونـي العـواذل منـك ومـن مغبّتـك =مانتهيت وما صدقت فيـك يالغـر الحسـود
إنكشفـت لـي وبنـت واكتشفـت علّـتـك =علّتـك إنـك تغالـط نفسـك وتبـدي بـرود
علتـّك إنـك تكـابـر والليـالـي عـرّتـك=ماخفـي قـد بـان وانكشف علـى مــرالعـقـود
علّتـك إنـك جـري بجرأتـك وجـوهـرك=يبرق ولكـن بريقـه مايـدوم اصلـه حديـد
علّتـك إنـك غريـر ٍ والجهـالـه غـرّتـك=أنت تجهل المبـادي كيـف تفسرهـا البنـود
علتـك ان مقصـدك شيـن ٍ وشينـه نيتـك=مقصـدك تحطّـم يامقيّـد بـغـلّ وقـيـود
يامريض غلّـك اللـي أمرضـك وحطّمـك=كيف تبرى منه وانت تمـدّه بحقـدك وقـود
ياخداع كيف اتغش اللـي صـدوق وصدقّـك=كيف تسرق الضيوف وقد لفوا عنـدك رقـود
ياكبـر يـا إفتـرا البهتـان يـوم بيقتلـك=يابشر ياضعف إذكـر ان مرجعـك اللحـود
لا تباهى بزينك لا يغـرك زيـن مظهـرك=كل شي ٍ للـزوال التاليـه تذوي الورود
لا ولا مليـون لا بـأنـي اقـبـل منّـتـك=المحبـه دون مـنّ ياخبـل تعطـى بـجـود
المحبـه كلّهـا عطـا اسـأل اللـي ربّتـك=إسأل اللي حب ( ليلـى ) ( قيـس ) واسـأل العنـود
إسأل اللي جرّب اسأل خالك اسـأل عمتـك=إسال اللي جرّب الوفـا ولا خـان العهـود
إسأل اللي عندهم إحسـاس واهـل مربعـك=إسـأل الديـار كلهـا سهلـهـا والنـجـود
إسأل كلبو العـرب تغانـم تالـي فرصتـك=من نشد ماضاع ولا فقـد ولا ضيّـع جهـود
إسال كيف اتحب جرّب العطـا تجـي معـك=يكفي ماخذيـت عـوّد نفسـك إنهـا تجـود[/poem]
أتمنى أن تحوز على بعض استحسانكم ونقدكم الهادف ولكم مني خالص الود
مخاويكم
عبدالرحمن الجبابرة