ابي ابدا بسم منهو تفنن ======بخلق السبع في ستن قصار ِ
اله عز منــــــــهو له تليّن======وتابع نهج منهو خش غار ِ
محمد من قريش اللي تبين======هداه اللي صدع في كل دار ِ
قبل ما اكمل السيره وادون=====قصايد في غرابيل او اجاري
طحاطيح الشعر ياللي تسنن=====قصايدها بصلبات الحجار ِ
ابي اقدم التعريف واعلن =====باني بمنتداكم شخص داري
بيحرق كل مفهومن مقنن===== عن الشعر وعن انواع البحار ِ
بحيث اني بجدد ثم بلون =====قصايد من بنات لأم افكاري
ابي الترحيب منكم او ابحزن======واودع منتدى رايع وناري
الا يا مرحبا مليون واهلن=====بكم في منتداي اللي بيزار ِ
من اعضائن وزوارن وأدمن======الا يا مرحبا عد الغبار ِ
وهذي بس ابياتن توزّن =====بجانب دفترن يحفظ عباري
لاجل اشوف ربعي لا تدندن =====قصيدن من طنيخن ولد ظاري
اذا ما شعري في الاذن يتوَنوَن =====يدل اني مرحب بي وجاري
بتحميل القصايد والتحنن======لخاطر شاعر يود العصاري
لاجل يكتب قصايد و يتمنن ======على سامع وقارئ بانتظاري
غزل او نثر او يهجي مدجّن======ومستشعر ولكن خنفشاري (مستشعر)= يدعي الشعر
وانا مابي اطول او اعفن ======مسامعكم بمدحن لي وطاري
كلامن بس بابدى به و ادشن======بداية انضمامي لركب ساري
واكرر قاف قد قلته وا طنن =====اذانيكم باصدق ما صفا لي
ابي الترحيب منكم او ابحزن======واودع منتدى رايع وناري
وسلامتكم
ابو محمد المغربي