اقتباس:
المشاركة الأصلية كتبت بواسطة أبوعبدالرحمن
لكم
الشعر ما يقدر على مجاراتك
====== الشعر و ألا الوجه وألا عيونك
الثلج أشوفه تحت جمر شفاتك
======والليل أشوفه فوق راس متونك
كنّ الحلا ماخذ حلا لمساتك
======وكنّ الجمال يدور في مضمونك
أرق من نفح العطر نسماتك
======تخيلي كيف الهواء من دونك
وأعذب كلامٍ بالدلع كلماتك
======أذوب من كلمة : هلا وشلونك
مشكلتي أدوّر على مرضاتك
======ومشكلتك إني بالهوى مجنونك
القلب بيتك والقصيد أبياتك
======كتبتها حتى البشر يقرونك
وسط العروق موثّقة خطواتك
======لو يدخلون بخافقي يلقونك
تدرين ..؟ أجمل شئ فيك ... شفاتك
======آسف ... وضيفي مع شفاك .. عيونك
الله عليك يا ابو عبد الرحمن
احترت وحارت كلماتك بين الجمال والأجمل
وسجيتها لنا في أبيات عذبه وتم قرائتها بتمعن
صح الله لسانك يالقرم