من الارشيف للتواصل
[poem=font="Traditional Arabic,7,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الطيب سهل وكل طيب يدله=والا الرخوم بسكت العيب ماشيين
ومقابل الشيخان ماحدن يمله=قوم على كسب المعالي مضريين
والا الخبل ماحدن بزاير محله=غير الخبول اللي تجمع على الشين
مثل الجخاخ يسير في غير مله=اليوم عدوانن وبكره خويين
ومن صحبه الانذال تلقاء المذله=وتشوف شين يدبل الكبد والعين
وترا الكرم بالناس طبع وجبله=وراعي الكرم يحسب حساب الميامين
انفق حلالك تختفي كل زله=الناس تكسبها الرجال الكريميين
وعلى العدو لاتظهر النفس ذله=ادعس برجلك فوق روس المعادين
وخلك كما ضلع يذري بظله=وملجاء الضعوف القاصرين المساكين
والضيف لاجالك شرابه من الدله =ويقلط على ماجوب عرف وقوانين
والضيف يبغى خطرن مسفهله=وقولت هلا مع ضحكتك بالحجاجين
ورجلن بلا ربع حياته ممله=يذوق غبن ويطعننه سكاكين
وترا عطيب الفعل ربعه تجله=ولانمحي طيبه ولادارت سنين
والصاحب اللي لاحكى زاده بله=ندفع على فرقاه عشرة ملايين
هذا تعلمته وانا فاطن له=من واحدن بالعز حط البراهيين
ابوي ياجعل العرب فدوتن له=وعساه يبطي حي قولوله امين
وصلاه ربي عد هل الاهله=وعداد من بالحج زار الحرميين
[/poem]
وسلامتكم