السلام عليكم ورحمه الله وبركاته
،’
سـافـرت ادور لـي عن الضيـق ملجا
ضـيـقٍ برى حـالي ولا منه تـخفـيـف
ساعـة نـزلـت الصبح مع سيف طنجا
والجـرح باقي ما برى الجرح يـ منيف
وقـفت جوف الناس والـنـاس حـرجـا
ولاني بداري ويش محرج هل السيف
الـوضـع ذكـرنـي بــضـربـة حلبـجــا
في سـاعـةٍ فـيـها تـضيـع الـمعـاريـف
لن جيت اوصـف نـاس بكـمان صنجا
كلـن يــدور فـي طـريـقـه مـحـاريـف
افواج تقـفـي مــار الارقــاب عـوجـا
وليا خـذو مـشـوار جـونـا مـنـاكـيـف
وقلوبـهـم تـرجـف رجـيـف الكـمنجـا
خلف الضلوع العوج مثل المعازيـف
وعـيونهـم لـمشـاهــد الـحـال وهـجـا
واثـر البـلا شـيٍ يـفـوق التـواصـيـف
زين وثـقـل وعـيـون نعـس وغـنـجــا
اللي حلاها في هذا الوقت مـا شـيـف
منها صويب الرمــش مـاعـاد يرجــا
لو سقت من دونـه كثـيـر المصاريـف
تسـريـبـهـا فـي ظلـمـة اللـيـل الادجـا
جبـيـنهـا يلمــع كـمـا بــارق الـصـيـف
بنـت الرجـال اللي لهـا القلب محـجـا
ولن جيت ابوها مكرم الجار والضيف
يـوم الـكـريم مـعـان والـظـفـر مـنجـا
يـوم الزمـان إصـعيب للنـاس ومخيف
سـلايـل الـلـي نــوخـو يــوم عـرجـا
فـريـس نـجـد مـورديــن الـمراهـيف
جـتـنـي ونور ب الغلا سيف طنجا
لآكـن بـلاي مـكسـريـن الـمجـاديـف
وراحـت بـعـد ما فـجت الصدر فجا
واشتلت فوق الضيق هـم وتحاسيـف