من شهر عانق الدمعه كفوف اليديـن
وإحضنت عيني الذكرى ومعها السهر
حالي اللي سألتوا عَنْـه يَمْ/سافريـن
حالي اليوم مثل الحـال قَبْـل الشهـر
كيف أسوي ملاذ القلـب يَمْ/هاجريـن
أقفت إب/قلب من عاند زمانـه دهـر
قَبْل أعَرْفِه أنـا والشعـر متفاهميـن
أكتبه من غرور وينحـدر مـن نهـر
ومن عرفته كتبت الشعر وآنا حزيـن
أكتب البيت من دمعه وحـزن وقهـر
كنت أسج إب/خفوقي كل ماضاق ليـن
ماعرفت الهموم اللـي تشـل الظهـر
كل ماشفـت بستـان المحبـه بعيـن
قامت العين لخـرى تستحـث الزهـر
وردتـي ماتشابـه فـل أو ياسميـن
وردتي من لقاها ف/الخفـوق أنبهـر
سقت حب وغرام وسقت شوق وونين
وسقت دمعي وقلبي في لقاهـا مهـر
أكفهـر الغـرام اللـي بحبـه يدِيـن
وأكفهر الزمان ووجههـا مـا أكفهـر
سر تحت الضلوع وبحت به ف/الحنين
صارت أسرار قلبي في غيابـه جهـر
ما أبغي الناس تدعيني بشاعر دفيـن
أشتهر حبه إل " نوره " وهو ما أشتهر
للمتألق دآئما / الحسن ال منصوِرِ