لمنع الإلتباس في الوزن كلمة " ما أبغي " في البيت الأخير تنطق بالياء وليس الألف المقصوره
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
من شهر عانق الدمعه كفوف اليدين=وإحضنت عيني الذكرى ومعها السهر
حالي اللي سألتوا عَنْه يَمْ/سافرين=حالي اليوم مثل الحال قَبْل الشهر
كيف أسوي ملاذ القلب يَمْ/هاجرين=أقفت إب/قلب من عاند زمانه دهر
قَبْل أعَرْفِه أنا والشعر متفاهمين=أكتبه من غرور وينحدر من نهر
ومن عرفته كتبت الشعر وآنا حزين=أكتب البيت من دمعه وحزن وقهر
كنت أسج إب/خفوقي كل ماضاق لين=ماعرفت الهموم اللي تشل الظهر
كل ماشفت بستان المحبه بعين=قامت العين لخرى تستحث الزهر
وردتي ماتشابه فل أو ياسمين=وردتي من لقاها ف/الخفوق أنبهر
سقت حب وغرام وسقت شوق وونين=وسقت دمعي وقلبي في لقاها مهر
أكفهر الغرام اللي بحبه يدِين=وأكفهر الزمان ووجهها ما أكفهر
سر تحت الضلوع وبحت به ف/الحنين=صارت أسرار قلبي في غيابه جهر
ما أبغي الناس تدعيني بشاعر دفين=أشتهر حبه إل " نوره " وهو ما أشتهر
[/poem]