هاض القصيد بشامخات المعاني
والمدح يذكر في مسيرة زمانـي
من شاعرن ماجاب غير الحقايق
ويستأهلة من كان فعلة من ضماني
يستأهله نسل الرجاجيـل الابطـال
اللي مقر الطيـب فيهـم عيانـي
اللي لهم بالفعل صوله وجوله
ذباحت الجزلات وسـط الصيانـي
وقفاتهم رمز الرجولـة والأفعـال
لا جاهم الملهود قاصـي ودانـي
ايه خمشة من صيتهـا والدلاله
جزل العلـوم الغانمـات السمانـي
ايه خمشة والفعل شامخ ويذكر
ايه خمشة والطيـب كلـة بيانـي
عيال وايل والفعايل هوايل
تاج الرجولة والفخـر والمجانـي
عيال وايل عز مجدن حقيقي
لا جيتهم ما قلت من هـو نسانـي
اجيلهم حشمـة وشيمـة ومقـدار
أجيلهم لـو كنـت بالبعـد عانـي
اجيلهم يـا درع الامجـاد بالـذات
يا ربعـي الوافيـن هـذا مكانـي
روس عنزة عند القبايل والاشهاد
ومقرهم ما هـو هزيـل وطمانـي
مقرهم يذكـر بـروس المثايـل
برق الحيا من ساميـات المعانـي
مقرهم عـز(ن) لفينـا لـجـوه
مقرهم يذكـر ولا بـه هـوانـي
يفداهم الشعـر الجزيـل الحقيقـي
من قلب صادق لا نطق به لسانـي
ويفداهم أحساسي وشعري وكلـي
عيال عمي من قديم الزماني
أفخر بهم وسط القبايل والاوطـان
ومن ينكر الوافين مبغـض أنانـي
رد مع اقتباس
