طيب ندخل بالموضوع على طول ..
طبعا ابحتسي عسى العدو للحتسّـه عن كائنات بشريّة تُدعى (( المهايطيّه))
المهايطي باللغة العربيّة هو كل كائن يدّعي انه اكرم وارجل واحسن واكشخ
واقرش ( يعني قروشه واجد) واحلى واحسن واحد يفصّل ثوب ومعه رشاش بالدرج
وعجرا بمخباتهويتتّن اكياس سميت
وطيبه كلونيا وفنيلته علاّقي وشنبه تسنّه شنب ابو عنتر
ومعه سلسله سارقها من قلاّبي شركه
وشهادته خامس بويشرب البيبسي بجغمة وحده
طبعا المهايطي دوّره بأمور المراجلوهو من جنبها
يقال لك اني ابو العرّيف واني عاجن الدنيا وخابزها
ومساكين لهم سواليف تخليك تلعب كاراتيه من الضحك ماهوب تشقلب بس
ومن قو مهايطهم تلقى عليهم تصرّفات مدري وش تبي
يعني عادي تشوف واحد منهم باني له مجلس عند البحر الأحمر علشان يغسل منه الفناجيل
ولاّ تلقى الثاني شاري لولده الصغير صاروخ سكود يقول اطلقه ياولد يوم العيد
والثالث تلقى معه زنّوبه تكرمون ويلاحق بها بعير يقول كنت احسبه فار بذبحه
عاد وش نسوّي الله خلقهم قويين ولانقدر نقول شي
وان حتسى ماودّك الا بهاك الافغاني اللي يلخّه بالكريك حقه ليما يجدع سنونه
انا سوّيت وانا فعلت وانا اعرف فلان وانا وانا لو ابي وظيفة وزير توظفت الحين
لا واللي يكمّل الناقص يجيك الدلخ الثانيهاه قصدي الكائن الثاني
ويقول جدّاني قتلو الفلان واخذو حلال الفلنتان غـدريحسبها مرجله
ياقردهاه آسف ياكائن حي
ترى جدّانك بهالحاله يصيرون حنشل وقطّاع طرق وحراميّه
لا وتفتخر بها الشي يابو خامس ب
عموما انا خلّص الحبر حقي باللابتوب ( كبير المهايطيّين
ولاّ تسان اكتب عنهم ليما يموت قوقلابد مايحب الهياط
واللي نستفيده من هالحتسي كلّه
.
.
.
.
.
.
.
.
لاتخلّون بزوركـم عند الشغّالات لحالهم ..
.
.
.
.
.
والله يحفظكم ويرعاكم ..
طرررررراخ ( طبعاً هذا صفقة الختم ) ...
رد مع اقتباس
المشاركة الأصلية كتبت بواسطة أنـ الذكريات ـين
