بعد السلام والتحيه والاحترام
اعزائي اعضاء هذا المنتدى الجميل جدا
لقد انقطعت عن الكتابه من ثلاث
سنواب ونصف تقريبا لظروف الدراسه
واعود لكم اليوم بدعوه من اخي
عبدالرحمن الدوسري وكذلك اخي بندر النايف
وهذه القصيده كتبتها قبل خمسة ايام تقريبا في واحد من اقاربي واعز اصدقائي
قبل خمسه ايام جاني صديق لي وقال فلان
تكلم في ظهرك بكلام غير منطقي
وقلت ماذا قال فأخبرني فقلت هذا الكلام
مستحيل يطلع من هذا الشخص
عموما الموضوع اللي فيه نقل كلام
لازم يتاكد الشخص منه قبل ان يخطو
اي خطوه ولكم القصيده
(( كنا حبايب ))
جاني خبر قبل امس واحد من الناس
اسمع خويك قال فيك العجايب
احذرك ياخوي من بعض الانجاس
واشر على واحد وكنا حبايب
قلت العذر هذا أعده من الماس
وشلون يغلط يارفيقي غرايب
ياخوي قول انك تهذري بالافلاس
ترا كلامك يارفيقي نشايب
هرجك تراه بداخلي دق الاجراس
وياشين لا جاتك من اقرب قرايب
عطني خبر علمك من الساس للساس
واحذر تخبي.. علمك اليوم عايب
وان كان علمك يارفيقي تنوماس
يحرم علي ممشاك ياشين تايب
كل الكلام اللي تقوله بقرطاس
ماصدّقه والله وهذا خرايب
بروح له احسن من الراس للراس
ماني من اللي يسمعون الخرايب
ساعة وصلت وشفت وجهه تعوماس
عرفت انا باللي وصل فيه صايب
سألت نفسي وش بلاني مع الناس
مدري بهم مدري ظروف الصعايب
الناس عندي فيهم اشكال واجناس
الزين فيهم مايجيب المصايب
فيهم ذهب فيهم دنانير ونحاس
فيهم خشب فيهم تلامع ذهايب
الظاهر ان اليوم مافيه نوماس
واحلى الحكي من صوبهم فيك غايب
ماقول غير الله يذل كل بلاس
ويحفظ لسانن مايجيب العطايب
تقبلو شكري وتقديري واحترامي