السلام عليكم ورحمة الله وبركاته
متواضعه للتواصل اتمنى قبولها كماهي
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنا طالبك لامنّ وقت الموادع حآن=تروّح بصمت ولا تجيني توادعني
إذا من غيابك يوم ذقت العذاب الوان=اجل لافقدتك ماوداعك بنافعني
أبا أعيش باق العمر مع ذكريات انسان=ولو إنّ ذكرى غيبته حيل توجعني
أبا أشكي عليه اللي حصل يوم حزني بان=لعل وعسى لانام فالحلم يسمعني
أنا مستحيل أنساه يانعمة النسيان=ولو طآل بعده وأعلن الهجر وش يعني.؟
مدام ان حبه داخلي ثابت السيسان=لو آحآول انسى القلب ماهو مطاوعني
ألا ياشبيه الورد في دآخل البستآن=زرعت الغلآ مدري غلآك انت زارعني
ملكت الخفوق وصار ملكك بدون اثمان=أبايعك بالطاعه والاقيك بايعني.!
ليآ غبت عني صرت تآيه بلا عنوان=أضيّع طريقي وأنت وحدك ترجّعني
تراك الوطن عندي ولو كثرة الاوطان=أبي منك حاجه وحّده .لاتقاطعني
[/poem]