[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
العذر منّك والأسف والسموحـــه = أبعتذر من قلبك اللي حضنّي
أبعتذر عن حب زادت جروحه = وابعتذر عن الخطا والتجنّي
القلب لا منّه تخاصم وروحــه = والله إنّه بالحزن يمتحنّي
هاتي الغلا واخذي من القلب بوحه = وانا اوعدك ما يصدر الجرح منّي
ما قد خبرتك بالمشاعر شحوحه =أنتي كذا دايم على حسب ظنّي
علقت لك في داخل القلب لوحــه = مضمونها (( ما غير زينك فتنّي ))
وحطيت لك دوحه مهيب أي دوحه = في عيني اللي لا لمحتك تغنّي
لنّي أحبك والمشاعر فضوحــه = ما احتاج أقول إليا هويتك : لأنّي !!
وإن كان شفتي القلب تكثر مزوحــه = روحي انشدي كل المخاليق عنّي
محدٍ مثل قلبي تهاوت صروحـــه =أنا الذي كل الجروح أسكننّي
جاك العذر من قلب يبغى السموحه = ليته يسامحني خفوقٍ حضنّي
[/poem]
رد مع اقتباس
المشاركة الأصلية كتبت بواسطة عشق ليل
